تخطت ايرادات فيلم بيت الروبي ال 9 مليون جنيه في 3 ايام فقط وهذا رقم تاريخي
بلا شك ده واحد من أفضل الافلام المصرية في 2023 بيت الروبي بيحكي عن شخص قرر إنه يهرب بره نطاق القاهره هو و اسرته و يعيش في مكان بعيد عن الناس و عن السوشيال ميديا و عن كل انواع الضوضاء و المشاكل في اللي واجهها في حياته.
وبعد سبع سنين بيتفاجئ إن اخوه جايله هو ومراته و محتاج منه يرجع معاه القاهره علشان يخلص اوراق معينة ليها علاقه بورث العيلة
لكن الموضوع طلع أكبر من هروبه من القاهره و طلع فيه اسباب أقوى بكتير تخليه يبعد عن الناس .. فهل هيقدر ياخد قرار الرجوع للقاهرة ولو ليوم واحد ؟ و ايه التحديات اللي ممكن تواجهه في رحلته دي !
فيلم ( بيت الروبي ) بينتمي للافلام اللايت كوميدي لكن فيها جرعة دراما رهيبة .. بتخليك تعيش احداث الفيلم كإنك شخص منهم و دة يرجع للكتابة الممتازة للفيلم .. وبيوضح مىىىاوئ السوشيال ميديا و في نفس الوقت بيوضح إن الهروب من المشاكل في الدنيا عموماً عمره ما كان الحل ! حتي لو في هروبك دة هتلاقي راحتك النفسية.
كل ده وسط اداءات تمثيلية مميزة من الكوميديا والدراما اللي بيقدمها لينا كريم عبدالعزيز اللي قدم اداء محترم في كل المشاهد و نفس الكلام ينطبق علي كريم محمود عبد العزيز اللي بخفة دمه و روحه الجميلة بيقدر يخطـ..ـف الانظار بدون أي مجهود زيادة.
و من الحاجات الجميلة جداً في الفيلم هي التصوير والاخراج .. اللي قدر ينوّع بين حياة المدينة الصاخبة و حياة المدن الساحلية و جمال طبيعتها .. استعراض التناقض دة خلانا نعيش اكتر حالة الفيلم و الرسالة اللي بيحاول يوصلها.
فيلم ( بيت الروبي ) هيبقي فيلم الموسم وبجد كان خارج التوقعات
