رصاص الغدر يخطف حنونة ” مجنونة ستوب ود البلال بالفتيحاب امدرمان

بمزيد من الحزن والاسي تنعي منطقة الفتيحاب عند المولي عز وجل فقيدة اسطوب ود البلال المربعات امدرمان المغفور لها باذن الله حنان المعروفة بحنونة المجنونة التي وافتها المنية اليوم الاحد 6اغسطس 2023 اثر سقوط دانة بالقرب من اسطوب ودالبلال
سائلين الله ان يتقبلها قبولا حسنا ويلزم ٱلها وزويها الصبر وحسن الثبات. ولا نقول الا ما يرضي الله ..انا لله وانا اليه راجعون …
……….
حنونة. كما يحلو للكثير .. مجنونة اسطوب ود البلال .. خريجة الاحفاد المراة المثقفة صاحبت الحس الوطني العالي … كل حديثها ما بين النضال وحب الوطن وضياع الحقوق ..وعبارتها الاشهر حكومة الجوع تسقط بس…
من جانب اخر ..اي زول يجي الاسطوب او ماحوله جيب مية .. ماش وين .شيل معاك الناس ديل من قبيل في الاسطوب مافي مواصلات …واي زول ما عندو هاك شيل ..يا حنونة انتي ما عندك ..شيل ياخ انا بتصرف …هاك اكل هاك اشتري عيش ..لدرجة بعض الشباب من طيبتها يستغلوها لاخذ قروش السجائر منها ..

هذا شئ من عالم حنونة المليان طرائف ومليان حب ومعرفة لكل من اعتادت طلته .. عندما احضر الاسطوب بالعربية … زحو زحو حبيبي جاء سائق الجيب الخضراء …
انها حنونة الحنون…كثيرا ما يكون هنالك ارتكاز في اسطوب ودالبلال .وبعض افراد الحي يخرج بالعربية للخبز او اللبن او حاجة سريعة جنب الاسطوب ويتم ايقافه من قبل المرور الرخصة الترخيص ..فيكون نساها …فتحتجز العربية الا يرجع يجيب الورق او يقطع ايصال….فهنا بمجرد ما تلمحه حنونة تجي لناس المرور…هييي دا فلان ما بتعرفوه سبحان الله دا ساكن هنا فتكون دبلوماسية اللحظة والواسطة القوية والرتبة التي لها اعتبارها …فتساهم في حل الموقف….

كثير كثير من خفايا هذه الحنونة ….ربنا يبلغها الفردوس الاعلي دون حساب ولا سابق عذاب ويكرم نزلها