ياخي انت بتتكلم كيف؟

انا وبوضوح جهير بختلِف مع الناس البِقولو انو الشِعِر شكّل الوِجدان السوداني-بالعكس الشِعِر
نقّل نبض الوِجدان وعكّس يوميات المجتمع
السوداني-لِقي جداوِل سلسبيل جارية وغَرف
مِنها…
شُوف (صورة) حلنقي-رُبما هي اكثر لفتاً وإبهاراً
من الموناليزا لأنها نابِضة وحية…
توعِدنا وتبخل بالصورة…
يا غِنوتنا.. يا بهجتنا
يا مرسي عيونا المبهورة…
#الصورة في السبعينات كانت اعلي درجات
التهادي-اغلي هدية يظفِر بيها حبيب، هي
صورة حبيبتو، ومعاها توقيع وكلمتين حِلوات
والكلام الحِلو عند حلنقي بيسوقك لصباحات
العيد ويوديك لعوالم مجهولة..
الكِلمة الِحلوة الفي قلبك..
وحياتك ما تعانِد قُولا..
خلينا نصابِح بيها العيد
نرحل لعوالِم مجهوله…
حلنقي افتكر حتي لبساطتنا وتلقاءيتنا البِقولو
عليها الناس مسكنة…
ما نِحنا بطبعنا ناس طيبين…
غلطاتك عِندنا مغفورة..
يا روعة سِحر الاسطورة…
#حقاً، حلنقي اسطورة حية…