جريمة مروعة الابنه وعشيقها يقتلان أمها بالشاكوش في مصر

– حبيبتها وصاحبتها وبنتها ونور عينيها نورهان ٢٠ سنة بس وامها ٤٢ سنة “اللي معاها في الصورة” ..

– حبيبتها وصاحبتها وبنتها ونور عينيها، قتلتها امبارح “الخميس” بكل برود هيا وصاحبها اللي ماشية معاه “جارهم”، عشان دخلت عليهم البيت بدري لقتهم في وضع مخل سوا، فا قرروا يسكتوها للابد ..

– ضربوها بالشاكوش، طلبت منهم تقول الشهادة عشان تعرف تقابل ربنا، قالتها ٣ مرات وقبل ما تقول الرابعة قالولها كفاية كدة وضربوها الضربة الاخيرة ..

– وعشان حبيبتها وبنتها ونور عينيها تتأكد انها ماتت، حطت حلة ميّة عالنار، ولما غليت دلقتها عليها لحد ما اتأكدت انها مبتتحركش ..

– حاولوا يجهزوا شكارة فاضية يداروا فيها الامانة، لكن الدوشة اللي عملوها فضحتهم والناس بدأت تسأل، فا مثلوا عالبوليس قصة كدة، انها عملية سرقة وميعرفوش مين اللي عمل كدة، وتحت الضغط وتضارب الشهادات .. اعترفوا بالجريمة