مورغان يحتفل بوصول حلقة باسم يوسف رقم قياسي ويستعد لحلقة وجها لوجه

بيرس مورغان كان بيحتفل بوصول حلقه باسم يوسف ل15 مليون مشاهده في وقت قياسي تقريبا اقل من 12 ساعه.. باسم يوسف دخله وطلب منه تبقي حلقه face to face افضل وهتجيب مشاهدات عاليه وبالبلدي كده ورطه في حلقه تانيه..

بيرس مورغان وافق ووعده بترتيب حلقه في اقرب وقت ويكون باسم في الاستوديو وممكن يكون حاضر “بن شابيرو” كمان وانا عايز اقول من دلوقت انها هتكون حلقه للتاريخ..

بن شابيرو مصنف ذكائه عالي جدا وكلهم بيتباهوا بيه ولكن باسم قدر في كلمتين يقلـ ـعه ملط مابالك لما يكون معاه وش لوش هيعمل في ايه..

حلقه باسم صداها انتشر في اوروبا كلها لدرجه انهم حجبوها عن اوروبا وسابوها للشرق الاوسط ولكن باسم ساعد في نشرها عبر منصاته الخاصه..

اتمني من كل قلبي الحلقه دي تتعمل وتتذاع لايف ساعتها هتقلب العالم كله نظرا لان باسم متكلم فصيح ومتمكن وبيستخدم الكوميديا السوداء بطلاقه فظيعه وبيعرف يوصل رسالته..

في انتظار عظمه جديده اتمني انها تحصل وده طبعا لا يمنع ان انا غير متفق مع باسم كليا في مواقف كتير ولكن القضية دي بالذات انا معاه قلبا وقالبا..