صباح التفاؤل …وحنان النيل ..وسيد احمد عبدالحميد
صباح الخير والجمااال
صباح التفاؤل …للقادم احلى واجمل ..للاخوه المغتربين والاصدقاء ..بنقول مع الفنانه الجميله حنان النيل والفنان والشاعر وعازف الطنبور الجميل سيد احمد عبدالحميد ..،”بالله يامرسال شيل السلام ليهو ..” حنان النيل قدمت هذه الاغنيه بالطنبور فى سهره اعداد واخراج اسماعيل عيساوى فى بدايه التسعينات ..وغنت فى تلك السهره مع العازفين دكمال يوسف والمرحوم اميقو فى تجربه لحنيه جديده ..بعد تجربه اداء مع الموسيقار ابراهيم محمد الحسن بأله الاورغون ..وكانت من اول سهرات موسيقى والحان فى 1984 ..وتلتها سهره لفرقه السمندل الموسيقيه بقياده دالفاتح حسين .. وسهره فرقه عقد الجلاد فى اول ظهور اعلامى وتلفزيونى ..بقياده الموسيقار المبدع عثمان النو ..وعازفه الاورغ المرحومه حواء المنصورى والاداء للمبدعين انور عبدالرحمن ومنال بدر الدين وشمت ومجاهد وعوض الله بشير ..صباح التفاؤل وكل جميل للفنانه حنان النيل ..وبالله يامرسال شيل السلام لكل الاحباب فى كل مكان …
