الفنانة حنان بولو بولو تتحدث عن عظمة وتاريخ سوق امدرمان

نشرت الفنانة الكبيرة حنان بولو بولو في الفيس بوك بعد ضرب سوق امدرمان كلمات مؤثرة عن عظمة وتاريخه وقالت #أم_درمان دي حبنا شارع شارع، لكن سوق أمدرمان محبته وغلاوته براها سوق أم درمان يعني الفاضلابي وعمارة البرير والتيمان وسوق العدة وشارع العدني والصياغ وشارع الجلود وشارع الكريمات وشارع الساعات والنضارات وشارع العناقريب وسوق الخدار والتوابل البرندات وزقاق الطرح وشارع الجزم والشنط ومحلات الكلف، محلات الجملة والمحطة الوسطى ومريم الشجاعة وتياب البشرى والموهوب وريفولي عمارة الترزية والمسجد الكبير محلات الاقمشة الصفاء وأمين عوض الترزي العمري ما فصلت عن غيره ولا اقتنعت بشغل غيره، الملحمة الافريقية ومحلات الخبايز كلها وملايات أبونا شارع كرري والأجهزة الكهربائية البوستة وفريشة الكتب والمكتبات محلات الدهب وبترينات الفضة والدهب السوداني، الكبة وكل شيء بالف وقرب قريب تشوف العجيب، عمره ما كان عندي سوق غير أم درمان ،، عمري ما حبيت سوق غير أم درمان ..
ﷲ يسلم أم درمان ويحفظها ان شاء الله ما نشوف فيها شر