#image_title
(ﺍﻟﺸﻤﺎﻟﻴﺔ – ﻣﺮﻛﺰ شندي – ﻗﺮﻳﺔ الشقالوة)
ﺧﺎﻟﻲ ﺍﻟﺤﺎﺝ ﺍﻟﺨﺪﺭ ﻭﺩ ﺍﻟﻔﻀﻞ
ﻭﻣﻨﻪ إﻟﻰ ﻣﻴﻤﻮﻧﺔ – ﻳﺠﺪﻫﻢ ﺑﺨﻴﺮ – ﺷﻜﺮﺍً ﻟﺴﺎﻋﻲ ﺍﻟﺒﺮﻳﺪ (1962-6-11)
ﺇﻟﻰ ﻣﻴﻤﻮنة ﺑﺖ ﺍﻟﺨﺪﺭ .. ﻭﺭﻕ ﺍﻟﺴﺪﺭ ..
ﻋﺎﺷﻘﻚ ﻃﺸﺎ ﻭﻭﺩﺭ .. ﺿﺮﺏ ﺍﻟﺒﻨﺎﺩﺭ ﻋﺸﺎﻥ ﻳﺠﻴﺐ ﺍﻟﻤﺎﻝ ﻭﻋﺎﺭﻓﻚ ﺭﺍﺟﻴﺎﻫﻮ ﻋﻠﻰ ﺍﺣﺮ ﻣﻦ ﺍﻟﺠﻤﺮ ..
ﺳﻼﻡ ﻟﻴﻜﻲ ﻭﻟﻠﻨﺎﺱ ﺍﻟﺒﺮﻳﺪﻭﻛﻲ ..
ﻭﺍلبيكچنوﻛﻲ يطيرو ﻓﻲ ﺑﻠﺪ ﺍﻟﻠﻪ
.. ﻳﺼﻠﻚ ﺟﻮﺍﺑﻲ ﺩﺍ ﻭﻳﻠﻘﺎﻛﻲ ﻓﻲ ﺧﻴﺮ ..
ﺍﻣﺎ ﺍﻧﺎ ﺍﻥ ﺳﻌﻠﺘﻲ ﻣﻨﻲ .. ﻻ ﺗﻨﻘﺼﻨﻲ ﺷﻲ ﺳﻮﻯ ﺭؤياكي ..
ﻣﻦ ﻳﻮﻣﻲ ﺍﻟﺮﻛﺒﺖ ﺍﻟﻘﻄﺮ ﻭﻗﺒﻠﺘﺎ ﻏﺎﺩﻱ .. ﺳﺎﻓﺮﺕ ﺍﻧﺎ ﺍﻟﺠﺘﺔ ﻭﻗﻠﻴﺒﻲ ﺧﻠﻴﺘﻮ ﻣﺸﻌﻠﻖ ﻓﻲ ﺍﻟﻤﺸﻠﻌﻴﺐ ﺍﻟﻤﻌﻠﻖ ﻓﻲ ﻣﺮﻕ ﺩﺍﻧﻘﺘﻜﻢ .. ﻋﺸﺎﻥ ﻛﻞ ﻣﺎ ﺗﺠﻲ
تختيلك ﺑُﻘﺮﺓ ﻟﺒﻴﻨﺔ ﺗﺰﺣﻴﻬﻮ ﺑﺸﻴﺸﻲ لا ﻏﺎﺩﻱ ﻭﺗﻄﺮﻳﻨﻲ .. ﺗﻠﻮﻟﺢ ﻓﻴﻬﻮ ﻫﺒﺎﻳﺐ ﺍﻟﻐﻲ .. ﺳﻴﺪﻭ ﻳﻄﻤﺶ ﺑﺎﻟﺒﻨﺎﺩﺭ
ﻭﺷﺎﻭﻳﺎﻫﻮ ﻧﺎﺭ ﺍﻟﻐﻲ ..
ﺍﻣﺎ ﺑﻌﺪ:-
ﺍﻓﻴﺪﻛﻢ ﺍﻧﻲ ﻭﺻﻠﺖ ﺍﻟﺨﺮﺗﻮﻡ .. ﻭ ﺭﻛﺒﺖ ﺍﻟﺘﻜﺴﻲ قلتلو ﻭﺩني ﺍﻟﺴﺠﺎﻧﺔ ﻋﻠﻲ ﻧﺎﺱ ﺧﺎﻟﻲ ﺍﻟﺒﺸﻴﺮ .. ﻭﺻﻠﺖ ﺍﻟﺒﻴﺖ ﻟﻘﻴﺖ ﺍﻟﺴﺘﺮﺓ ﻣﺮت ﺧﺎﻟﻲ .. ﺍﺳﻜﺘﻲ ﻣﺎ ﺑﺘﻘﻮﻟﻲ ﺍﻟﺴﺘﺮﺓ ﺍﻟﻤﻴﺤﻼﻧﺔ ﺩﻳﻚ .. ﺳﻤﻨﺖ ﻭﺑﻘﺖ ﻗﺪﺭ ﺍﻟﻠﻴﻠﺔ ﻭﺑﺎﻛﺮ .. ﻧﺎﻥ ﺍﻟﻘﺮﺍﺭﻳﺺ .. ﺍﻟﻘﺮﺍﺭﻳﺺ .. ﺍﻭﻝ ﻣﺎ ﺩﺧﻠﺖ ﺟﺎﺑﻮ ﻟﻲ ﺻﺤﻦ ﻗﺮﺍﺻﺔ ﺑﻲ
ﺩﻣﻌﺔ ﻓﻮﻗﺎ ﻟﺤﻴﻤﺎﺕ .. ﻭﻧﺎﺱ ﺍﻟﺒﻨﺪﺭ ﻳﺎ ﻣﻴﻤﻮﻧﺔ ﻛﻞ ﻳﻮﻡ ﺑﻴﻀﺒﺤﻮ .. ﻣﻮ ﻣﺘﻞ ﻧﺎﺱ ﺑﻠﺪﻧﺎ ﻳﻀﺒﺤﻮ ﻣﻦ ﺍﻟﺴﻮﻕ ﻟﻠﺴﻮﻕ .. (ﻭﺍﻟﻀﺒﻴﺤﺔ ﻳﺎ ﻋﻨﺰ ﻛﺒﻴﺮﺓ ﻳﺎ
ﻋﻨﺎﻕ ﻟﺪﻏﺎﻧﺔ) .. وشفتي ﻳﺎ ﻣﻴﻤﻮﻧﺔ ﺍﻟﻠﻤﺒﺔ ﺍﻟﻠﺖ ﺍﻟﻜﻬﺮﺑﺎﺀ ﻣﺎ ﻋﻨﺪﻫﺎ ﺷﺒﻪ ﻋﻼ ﺍﻧﺘﻲ. ﺍﺻﺒﺮﻱ ﻟﻲ ﺑﺲ ﺍﻥ ﻣﺎ
ﻋﺮﺳﺘﻚ ﻭﺟﺒﺘﻚ ﺍﻟﺨﺮﺗﻮﻡ ﻭﺳﻮﻳﺖ ﻟﻚ ﺍﻟﺒﻴﺖ ﻛﻠﻮ ﻟﻴﻤﺐ ﻣﺎ ﺗﺪﻳﻨﻲ ﺍﻳﺪﻙ .. ﺗﻮﻟﻌﻲ ﻭﺗﻄﻔﻲ ﺳﺎﺍﺍﺍﺍﺍﻛﺖ ..!
ﺍﻋﺮﻓﻚ ﺍﻧﻮ ﺍﻟﻤﻨﺪﻳﻞ ﺍﻟﻠﺨﺪﺭ ﺍﻻﺩﻳﺘﻴﻨﻲ ﻟﻴﻬﻮ ﺧﺎﺗﻴﻬﻮ ﻓﻲ ﻗﻌﺮ ﺍﻟﺸﻨﻄﺔ .. ﻛﻞ ﻣﺮﺓ ﺍﻣﺮﻗﻮ ﻭﺍﻋﺎينلو ﻭﺍﻃﺮﺍﻛﻲ.
ﻣﺸﻴﺖ ﻣﻊ ﺧﺎﻟﻲ ﺍﻟﺒﺸﻴﺮ ﻟﻠﻈﺎﺑﻄﻴﺔ ﻭﻗﺎﻟﻮ ﺧﻼﺱ ﺑﻴﺸﻐﻠﻮﻧﻲ ﻓﻲ ﺍﻟﺒﻮﻟﻴﺺ ..
ﻭﺑﻌﺪﻳﻦ ﻳﺎ ﻣﻴﻤﻮﻧﺔ ﺑﻌﺪ ﺷﻬﺮﻳﻦ ﻛﺪﻱ .. ﺭﺳﻠﻲ ﻟﻲ ﻣﻘﺎﺳﻚ .. ﺭﺳﻠﻴﻬﻦ ﻣﻊ ﺍﻗﺮﺏ ﺯﻭﻝ ﺟﺎﻳﻲ ﻣﻦ ﻃﺮﻓﻜﻢ. ﺭﺳﻠﻲ ﺟﻼﺑﻴﺔ ﻣﻦ ﺟﻼﻟﻴﺒﻚ ﻋﺸﺎﻥ ﺍﻗﻄﻊ ﻟﻚ
ﺗﻼﺗﺔ ﺯﻳﻬﺎ ﻟﻠﻌﺮﺱ .. ﻭﺭﺳﻠﻲ ﻟﻲ ﻓﺮﺩﺓ ﻧﻌﺎﻝ ﻣﻦ ﻧﻌﻼﺗﻚ .. ﻋﺸﺎﻥ ﺍﺷﺘﺮيلك ﺟﻮﺯﻳﻦ ﻧﻌﻼﺕ ..
ﻭﻓﻲ ﺍﻟﺨﺘﺎﻡ ﺳﻠﻤﻲ ﻟﻲ ﻋﻠﻰ ﺍﻟﻨﺎﺱ ﻣﻦ ﺟﻢ.
………….
ﻭﺩ ﻋﻤﺘﻚ ﻭﺧﺘﻴﺒﻚ
ﺳﺮ ﺍﻟﺨﺘﻢ ﻭﺩ ﺍﺑﺸﻮﺭﺓ
ﺟﻮﺍﺏ ﺣﻘﻴﻘﻲ:
ﻣﻦ ﺩﺍﺭ ﺍﻟﻮﺛﺎﺋﻖ 1962
نشرت صحيفة "إسرائيل هيوم" العبرية، يوم الخميس، تفاصيل محادثة بين ترامب ونتنياهو وديرمر وماركو روبيو،…
أول اعتراف رسمي.. وزير الخارجية الإيراني: أضرار كبيرة طاولت المواقع النووية بعد 12 يومًا من…
مروي إعلام المحلية.رصد الحسن عبدالمهيمن طمأن قائد شعبة* إستخبارات الفرقة (19) مشاة مروي العقيد…
تقدمت الإعلامية *مروة عيد*، مقدمة البرامج المعروفة وصاحبة البصمة الإعلامية المتميزة، بأصدق التهاني والتبريكات إلى…
ذكرت شبكة "سي إن إن"، مساء اليوم الخميس، أن الولايات المتحدة تدرس استبدال موقع فوردو…
لندن / الخميس 26 / 06 / 2025 رحَّب رئيس الكتلة الديمقراطية نائب رئيس الحزب…