قصة زول ودبلد مع نازحه …..لابعرفا لاشافا..بنا لها منزل

مروي : الحسن عبدالمهيمن
……ولسه بلدنا بي
خيرااااا……
ابوعبدالله ياسر… ميزان الذهب يابكفتا راجحه ومعه.فاعل خير ..خضر الله ضراعكم..وقصتم مع نازحه في مروي……ضاق بيها الحال.. لكن الصابر دعاه مجاب….. والله كريم علي عبادو
طيب!!!!!!!
ديل قصتم شنو…؟؟؟.طيب ركز معاي.وحتعرف القصه…😃..
نازحه تعول عدد سبعة من الايتام جاءت لمروي وتقطعت بها السبل وسماسرة الايجارات م قصروا…عملوا معاها الحركه المادسيسيه… 😞😞..استرهان واستغلال وجشع.. وطبعا ماكل السماسره سيئين….فيهم ناس كويسسن
…..طيب حصل شنو..!!!؟؟؟؟؟انجز..صبرك علي ربنا سخر ليها
…فاعل خير من نوري سمع ب قصتا…. اشتري ليها قطعه أرض…..طيب الحيبينهااا منو..وهي م عندها حاجه..؟؟؟ربك كريم يسخر عبادو… ظهر الزول الحبوب الإسمو
..ياسر ابوعبدالله ودبلد أصيل وهو لا شافها ولابيعرفها تكفل ببناء منزل ليها… ايووه نعم….ظهر كده ذي البطل البظهر في الأفلام وينقذ الضعفاء ويهزم الشر ودي ماجديده عليه قبل هيا سكن لنازحه تعول بنات ومش كده وبس وعمل ليها مشروع تتعيش منو
هذا الياسر الحبوب يبحث عن أعمال الخير فى كل بقاع الدنيا وقد شيد ابار السقيا في صعيد مصر
.. ..وظل يتكفل بعلاج الاطفل خارج السودان.. وعمليات جراحيه لعدد من النازحات تعثرت بهم السبل..
في ظل هذه الظروف نجد مثل هؤلاء أبوعبدالله.. ومن معه يكفكفوا دمعة المحزون ويرسموا البسمة على شفاة المعوزين
حتي أن إحدى النازحات عندما تكفل باجراء عملية لابنها الوحيد نثر لسانها الدرر ونظمت هذه القصيدة العصماء الصادقه من اعماقها تستحق أن تكتب بماء الذهب
وقد وصفته بهذه الكلمات
قشاش الدموع ياياسر الحبوب
بالعمل السمح كم ملكت قلوب
مقنع للارامل
وللكواشف توب
حاضن لليتامى ولي كل زول مغلوب
البطن الجابتك
بالخير تملي حلوب
ثابت زي جبل بين الرجال محبوب
فريد بين ندو والباقين فجوج وهبوب
راجل ود رجال معروف وخالي عيوب
*******
ياسر ود حميد فارسا يكيل العين
ربنا اصطفاه نصره للمسكين
خصاه الإله بالفطره قلبو حنين
قدام الرجال ماليهو قلبو يقين
ماعابد قروش يصرف دوام بالهين
يقول لك كان نقص حرم دوام حاضرين
يوم الازفة ازفت والخلوق صافين
والناس بالعرق غرقانه للاضنين
تمشي قدم قدم مع سيد الثقلين
تخوجل في الجنان والحوز صفوف واقفين
يشابن من طرف لي ياسر ابجيبين
سائله الله الكريم يكفيه من العين
وتسكنو وأهل بيتو
في جنان عليين
صحبتو ناس عمر وعثمان ذو النورين
لله درك من رجل كالف في هذا الزمان الذي يتوارى فيه الرجال من الاقربين وانت تقضي حاجة الأيتام والأرامل والمعوذين.
هنيئا لك اختيار رب العالمين لقضاء حوائج المحتاجين لترتفع درجتك إلى عليين وتكون في صحبة سيد المرسلين