البعتر يقع بيناتنا بنسندو

لكل شعب عادات وتقاليد تميزه عن باقي الشعوب ولكل منهم شي يميزه
لكننا كسودانين نشتهر بروح بمساعدة بعضنا البعض..ففي الافراح لابد من مشاركة العريس بي كشف مالي للغني وللفقير…وياويلك لوماختيت كشف في عرسك معناه انته كعب وماداير الناس يجاملوك..وفي الاحزان ايضا يكون كشف البكا حاضرا.. ويقوم الجيران والاقارب والاصحاب بكل شي في العزاء من إطعام. وإعداد مكان وغيره وغيره…حتي في المرض تلقاهم واقفين صفوف صفوف للمساهمه والمساعده. والتبرع بالدم…حتي ان احد الاصدقاء العرب حدثني عن اندهاشه عن هذا الترابط الذي يحتوي المجتمع السوداني…فسائلني متعجبا ونحن في مادبة غداء احد الاشخاص عن ذلكم الشخص الذي يجمع المال في مكان المناسبه… فوضحت له قصت هذا الشخص الذي تجده ايضا في مكان العزاء… فقال لي والله ياسودانين انتو مميزين.
فهكذا هو مجتمعنا السوداني الحمدلله مازال يسند الضعيف ويشيل الرديف….وحتي في زمن الحرب كانت مواقف مجتمعنا السوداني في الاقاليم مواقف مشرفه..وجميله وكلها رجاله وكرم.حفظ الله السودان واهله.ودما متجاملين في السمح

نحنا اسياد شهامه والكرم جندو