البرهان من قاعدة جبيت لحميدتي: أوجِّه رسالة إلى (الأراجوز) الجبان الهارب حميدتي، أين كنت مختفياً طوال 8 أشهر ولا تستطيع مواجهة أحد.

– البرهان: انت ما خليت مكان ما ادسيت فيه، ما خليت بيت وجدي ميرغني، وما خليت جحر ومزرعة، تعال أقعد في نيالا أو أي مكان في السودان؛ شوف الناس تعمل ليك شنو.
– البرهان: (حميدتي غاشي أهله وبعض البسطاء بأنه عنده دين، دين شنو وهو يقتل الناس ويسرق، شغّال بالدجل، ما خلى ليهو فكي وما خلى أم بتاري ما جابوا الخرطوم عشان يحققوا ليه النصر)٠
– البرهان: أنا بستغرب من السياسيين القاعدين يصفقوا ويضحكوا للارجوز حميدتي.. تصفقوا وهو قتلك وقتل أمك وزعطكم وعمل فيكم أي حاجة، تصفقوا ليهو.
– البرهان: (أنا قاعد وسط قواتي وجنودي لم افارقهم، ما عندنا جحر وما عندنا بدروم ندسى فيه زيك أيها الهارب الجبان المتخفي.. نحن قاعدين برّه وأي مكان نمشيه قاعدين فيه برّه).
– البرهان: حميدتي شايل ليهو سبحة ويكذب باسم الدين ويقتل الناس وينتهك أعراضهم عشان يجيب ليهم الديمقراطية!.
– البرهان: لا صلح ولا اتفاق مع الدعم السريع، ولن نمنع المقاومة من جلب أي سلاح.