الذكري الخامسه لرحيل اللحو : فتحي الجعلي
الذكري الخامسه لرحيل اللحو
ربنا يتقبله قبولا حسنا
ويرحمه ويغفر له
لرحيل اللحو ربنا يتقبله قبولا حسنا
كلما سئل الفقيد الراحل علي ابراهيم عن اغنيه تمني ان يغنيها يمسك بالعود او يعطي اشاره للهادي يلا
ويبدا العزف والغناء
بطرا الليه امال وغايه ومابتنجي المقدور وقايه
وياخد قوقاي
فيك يامصر اسباب ازايا
وفي السودان همي واسايا
صرت مسلم لي ردايا
وزي طائر مكسور جناح
ياسبحان الله كلمات خطها المرحوم حسن عوض ابوالعلا وترنم بها اعجابا اب عاجات اللحو وكانت مصر
المحطه الاخيره للحو عصر اليوم وقع الخبر كالصاعقه علينا اهله ومعجبيه ومحبي فنه وكل السودان لان اللحو كان فنان كل السودان
واليوم ضل سائق الفيات طريق التحدي لرحيل اب عاجات مقنع الكاشفات فصمت قوقاي النغمات خمدت انوار البراري وانحسر نيل مويس والبيوت حزنت وشالت الحفه (كنا يوما في زواج وتغني حسين شندي بهذالاغنيه لاخونا ازهري محمد علي ناداني اللحو رحمة الله عليه قال لي قول لحسين خالك قالك امسينا بالله
وطلب اغنية في الشاطي ياحبان ساهرتو بينا وشارك فيها بالغناء والغريب انها لمحمد عوض الكريم القرشي قريب ازهري وكان معجب بودالقرشي وغني مع المرحوم الشفيع كثيرا)
رحل علي وكان رحيله (غرس نشاب) في احشاء اهل السودان عموما
وتدثرت( الكنينه) بوشاح سواد( كشعرها الجار بالواطا) وتبكي وتنوح وتصيح علي فقدها (وذبلت نوارة فريقنا ونشف من شدة البكاء ريقنا) وثكل (الطير الخداري) في سرب يتهادي ويصيح ياحليل كسلا الوريفه
هطلت دموع النساء والرجال وحال شندي يغني عن السؤال لرحيل ابنها (النمر الماحاضن فروعو مقيل) كيف لاتبكي شندي وحاديها وشاديها الذي رحل لم يتنكر ولم( ينسي العشرة) يوما
اتحاد الغناء في وجوم من خبر الشؤم رحل ابوهم واخوهم وصاحبن صاحب الطرفه الحاضره ودليلن وهاديهن شدرة مقيلن وضلهن
اب عاجات رحل سمح الغناء اتلجن
الشرق البلوح انوارو خمدن. وسجن
رحل البقوقي زي طفلا صغير ومعجن
السودان بكي وكل. البويتات. ضجن
الارحم الله علي ابراهيم عبدالرازق ونسال العلي القدير ان يرحمه ويغفر له وينزله منزل صدق مع الابرار
اب عاجات رحل سمح الغناءاتلجن
الشرق البلوح انوارو خمدن وسجن
رحل البقوقي زي طفلا صغير ومعجن
السودان بكي. وكل. البويتات ضجن
