عازف الدرامز سيف الدين عزام : تمنيت زيارة الأوبرا فدخلتها عازف
سيف الدين عزام شاب مصري في بداية عمره عاشق الموسيقه يحكي عن بدايته الفنيه ل “امدر تايمز ”
عازف درامز
بدايانك الفنيه ؟
انا بدات مسيرتي عندما التقيت دكتور الفريد بركات واخد دروس في درامز لمدة ٥ اشهر و بدات اطلع حفلات طلعت في الاوبرا و ساقية الصاوي و برنامج مع منى الشاذلي و مع ميس نوران في كروماتيك باند ك درامر و عزفت معاها في الحفلات الشنويه بتاعت معهد قيثاره و في الاوبرا و برامج و حفلات كتير
قبل كم سنه بداياتك الفنيه ؟
تقريبا من ٣ سنين يعني كان عندي ١٥ سنه
لقيت صعاب في بداياتك الفنيه ؟
طبعا في الاول الوالد كان غير موافق على العزف اصلا بس لما شاف اني بطلع في برامج و حفلات كبيره اقتنع الحمدلله
اول حفله اشتغلتها في الاوبرا كان شعورك ايه؟
انا منذ الصغر كان حلمي اني اروح الاوبرا بس اتفرج على اي حاجه فيها ف لما لقيت نفسي اول مره اروحها و انا كمان البعزف فيها كانت من اكتر الاوقات المفرحه لدرجة اني دمعت شويه من كتر الفرحه
ماهو السبب الذي جعلك تختار الة الدرامز؟
بسبب اني لما جربت اعزفها فعلا لقيت نفسي موهوب فيها و عارف افهمها بجد و حبيتها اوي و كنت بطلع طاقتي في الدرامز و لقيت نفسي بكون فرحان فعلا لما بعرف اعزف اغنيه او حاجه معينه مطلوبه مني
بداياتك كانت في ماده الفنون والموسيقه ؟
لا خالص انا كنت بكرها في الاول بسبب مدرسين المدرسه اصلا بس لما روحت لمدرسين كويسين و بحبهم فعلا منهم ميس نوران و دكتور الفريد هما السبب اني احب الموسيقى
كلمه شكر وتقدير لمن ؟
احب اشكر ميس نوران انها اضافتني في باند كروماتيك عشان من اكتر الاوقاتالتب احبها هنا العزف مع الباند و احب اشكر دكتور الفردي بركات عشان هو الذي علمني كل حاجه على الدرامز وخلاني احب الموسيقى و آلة الدرامز
