التحية لقحاب العالم صاحبات أقدم مهنة في التاريخ، الكادحات في السرير، واللواتي يأكلن من عرق جمالهن

رسالة من قحبة الى الكاتب والصحفي العراقي الساخر (احمد مكية)

اليــــــوم .. وصلتني رسالـة غريبة شويــــــة راح أنشرها بعد إذن صاحبة الرسالة ..
نص الرسالة بعد البسملة والتحيات:
شلونك استـــاذ احمد، أعتذر لاني راسلتك بدون أذن، واكتبلك حتى أسجل عتبـي الشديد عليك لانك دائما تضرب مثل لَيْس في محله وتسيء لطبقة كادحة بالمجتمع، واسـاءتك هذه تؤذينا كثير وتزعجنا ..
استـــاذ ..
أنا إحدى الكحاب اللي حضرتــــك دائما توصف السياسيين بصلتهم بنا، وتقول ولد الكحبة أو خــــــــوات القحبة، وهــذا الشي ما مقبــول منك، لان الكحبة ما خانت بلدها ولا سرقته .

والكحبة ما ضحكت على زبون واستغلته او سرقت فلوســــــه، والكحبة ما دنست نفسها ومدت إيدهــــــــا على مال عام .

والكحبة ما اختلست ولا سرقت ولا نهبت ، والكحبة واضحة تقول انها كحبة باعلى صوتها لا مثلت ولا إدعت المثالية ولا نكرت تاريخهـــا ، الكحبة يا أستاذ ما قتلت ولا خطفت ولا هددت ولا ظلمـــــــــت ولا إعتقلت ولا هجــــرت ولا عطلت أحــــــد ..

وازيدك من الشعر بيت ..
زوجي أبو بيتي كواد ايضا لكن ما أذكر في يوم من الأيام قال أخذت رشوة ولا في يوم حلف كذب، أو وعد الناس بشي وأخلف وياهم وعده..

نحن الكحاب والكواويد يا أستاذ احمد نخلي رؤوسنا عالفــراش وضمائرنا مرتاحة لأن ماكو دم احد في رقبتنا، ولا واحد أكلنا حقـــــه وخليناه يدعي علينا.
نحن لم نبع وطننا للغريب، وقانعيــن بال٢٥ وال ٥٠ ألـــــف اللي ناخذها من ابن بلدنا ولا نمــــد ايادينا للاجنبـــــــي لو يعطونا فلوس الدنيا كلها..
واخيرا

أحلفك بالوطن اللي تربينا بيه واللي نحترم مكوناته، هل رأيت في يوم كحبة طائفية إذا نامت مع سبعة من هذا الطـرف لازم تنام مع سبعة من الطرف الثاني ( هنا المغزى و الزبدة ) .

هل في يوم سمعت كحبة ورد اسمها في صفقة طائرات مدنية مستعملة على انها جديدة ، شفت بيوم من الايام كحبة تعاملت مع داعش واشترت منه النفط ؟ شفت كحبة سوّت حاجز وفرضت اتاوات على الفقراء ؟، شفت كحبة صنعت حبوب مخدرة وباعته لشعبها ؟، شفت كحبة گاعدة في عمان لو دبي لو تركيا وتغسل اموال شعبها.؟ كلشي سويناه اشتغلنا بعرقنا.

وهل في يوم سمعت كحبة ورد اسمها في صفقة سرقة القرن ..!!

وهل رأيت في يوم كحبة مسكوا اخوهها بالجرم المشهود ياخذ رشوة.. زين هل رأيت كواد فخخ نفسه؟ أو كواد أطلق رصاصة بمسدس كاتم؟
هل شفت كواد يعمل لمصلحة دولة أجنبية أكثر من مصلحة بلده؟ هاااا.. جاوبني؟؟!!

استاذ احمد آني صحيح كحبة وزوجي كواد بس نحب بلدنا ونوفي وعودنا ونقلع عيوننا من اجل بلدنا، لكن السياسيين المناو…ي…!! يخلونا نستحي نباوع بوجوه الناس..

هذه وجهة نظر القحاب و رأيهم بالسياسيين .
كم انت شريفة وعفيفة قياساً بهؤلاء السياسيين يا كحبة..!!