الأرض موضوع المهزلة الحصلت بين (سلمى) عضو (مجلس سيادي البرهان) وببن موظف الأراضي هي وقف لله تعالى .. يعني شنو ؟؟

هشام علي
الأرض موضوع المهزلة الحصلت بين (سلمى) عضو (مجلس سيادي البرهان) وببن موظف الأراضي هي وقف لله تعالى ..
يعني شنو ؟؟
يعني الأرض دي من يوم مالكها أكمل إجراءات وقفها لله تعالى خلاص بقت من لحظتها والى قيام الساعة غير قابلة لأي نوع من أنواع التصرف الناقل للملكية لا بتتباع لا بتتوهب لا بتترهن .. مالك الأرض الأوقفها زاااتو ما بقدر تاني يتصرف فيها.
(سلمى السيادي) عاوزه تشيل الأرض دي وتبيعها و “تجغم” قروشها ، موظف الأراضي (آيات) رفض طلبها ورفض يخون ذمته ويتعدى على أوقاف لله تعالى ، (سلمى) هاجت وماجت وطردته وحرشت ليه إدارته وإترفد وقتي من عمله.
الموضوع طلع للميديا وفاحت ريحة نتانة التعدي على أوقاف الله عز وجل والتسلط والعنجهية .. إتدخل كبيرهم الذي علمهم السحت (البرهان) ورسل (كامل إدريس) رجع الموظف لعمله ، وقال ليهم “باركوها ومعليش ، نحن نعمل قعدة صلح بين (سلمى السيادي) و (آيات) الموظف ونغتغت القصة مافي داعي للفضائح”.
حرامية أوقاف الله عز وجل (سلمى السيادي) ، مافي زول سألها ولا حيسألها
إدارة الأراضي الفصلت الموظف ، مافي زول سألهم ولا حيسألهم
السحت عندهم ألذ من المَن والسلوى ..
حق الله تعالى بستبيحوه بعين قوية ..
بتسلطوا وبظلموا بعنجهية أي زول يمنعهم من التعدي و “جغم” حق الله عز وجل.
والتستر والغتغتة والتدليس وتركيع القانون وحماية الفساد والمفسدين عندهم وسادتهم أسلوب حياة وهو الأصل.
#لصوص_الحرب