تصنع موسى هلال تحارب بيه مناوي وعبد الواحد وخليل ابراهيم وبعده جبريل .. وتصنع حميدتي تحارب بيه موسى هلال

هشام علي
تصنع موسى هلال تحارب بيه مناوي وعبد الواحد وخليل ابراهيم وبعده جبريل .. وتصنع حميدتي تحارب بيه موسى هلال وكل الكان بحاربهم .. وتصنع كيكل تحارب بيه حميدتي .. الهواء يقلب كيكل يحاربك مع حميدتي .. الهواء يعكس قلبته كيكل يحارب حميدتي معاك .. تقوم تصنع 106 مليشيا أو أكتر براؤون وقمري وتمبور وتمازج وعييييك ، تلتينهم بحاربوا حميدتي معاك وتلتهم مع قلبة الهواء هسي بحاربوك مع حميدتي ، وبكرة ما معروف التلت يكون مع منو والتلتين مع منو .. تقوم تجيب موسى هلال الزماااان داك تحارب بيه حميدتي ……….. والحلزونة يمه الحلزونة
كل المذكورين اعلاه إتحاربوا ولسه بتحاربوا فوق راس المواطن بثروات ومال المواطن وهو الوحيد البدفع الفاتورة أرواح ودم وأعراض وممتلكات ولجوء ونزوح وتشرد ومعسكرات ومرض وتجهيل .. وكل المذكورين أعلاه إتنقلوا بين وطني وخائن كذا مرة ، أي واحد فيهم قبل كده صبح خائن وأمسي وطني وتاني يوم صبح خائن وقبل ما تمغرب بقى وطني ، وكلللله حسب رغبة شيطان السودان .. وكلللله بأسم كرامة مواطن السودان.
#ضد_الكيزان_وضد_الجنجويد