الوضع في ايران أشبه ب “خيط مشدود” وممكن يقطع في أي ثانية. والعالم كله في حالة ترقب وينتظر الـ 24 ساعة القادمة مخبية إيه؟

اشرف مصطفي الهندي
استيقظ سكان “طهران” صباح اليوم على انفجار مدوي هز وسط العاصمة، وبعده التاني، والتالت.
الدخان بدأ يغطي السما فوق شارع الجامعة ومنطقة الجمهورية، والناس مش فاهمة إيه اللي بيحصل؟
هل هي قذيقة؟ ولا “ماس كهربائي”؟
وكالة “تسنيم” الإيرانية طلعت في الأول تقول: “سمعنا أصوات فرقعة والسبب لسه مجهول”.
الحقيقة بتظهر من الناحية التانية
ماعدتش دقايق، وكان الخبر اليقين جاي من تل أبيب.
“يسرائيل كاتس” وزير الدفاع الإسرائيلي طلع بوش مشدود وبلهجة حازمة أعلنها صريحة: “إحنا اللي ضربنا” !!
الجيش الإسرائيلي سمى العملية دي “هجوم وقائي”، والهدف منها زي ما قالوا هو “نسف التهديدات” قبل ما توصل لعندهم
الموضوع مخلصش عند الضرب في إيران، بالعكس، دي كانت مجرد البداية.
في نفس اللحظة اللي الصواريخ كانت بتقع فيها في طهران، كانت صافرات الإنذار بتضرب في كل شبر في إسرائيل.
وزير الدفاع الإسرائيلي مضى قرار “حالة الطوارئ القصوى”، والرسالة كانت واضحة لكل المستوطنين: “استعدوا.. الرد الإيراني جاي، مقذوفات ومسيرات في الطريق إلينا في أي لحظة.
الكل يلتزم بالملاجئ والمناطق المحمية.”
حياة “وقفت” في لحظة
المشهد اتحول لدراما حقيقية المدارس، اتقفلت تماماً في كل إسرائيل.
وممنوع أي تجمعات في الشوارع.
سلطة المطارات أعلنت قفل المجال الجوي.. مفيش طيارة هتدخل ولا هتخرج، السما بقت “منطقة عمليات”.
ايران تمطر اسرائيل بالصواريخ :
دفعة جديدة من الصواريخ تم إطلاقها حالًا من إيران وفي طريقها إلى مناطق مختلفة بالأراضي المحـ.ـتلة ( حيفا – عسقلان – قلب تل ابيـ.ـب – القدس المحتـ.ـلة .. وغيرها )
وبعد ما كانت اىىىـراىيل سمحت للمواطنين بالخروج من الملاجئ رجعت تاني صافرات الانذار تدوي وطالبت اسراىيل المستوطنين بالدخول للملاجئ مرة أخرى
حتى الان تم اطلاق ١٢٥ صاروخ من ايران باتجاه اسرائيل وصل منهم ٣٥ صاروخ للمجال الجوي الاسراىيلي .. دا غير الدفعة الجديدة حاليًا !
وهذا رقم كبير ..الصواريخ اللي بتضربها ايران هي صواريخ عادية الهدف منها ليس الاصابة ولكن هدفها فتح ثغرات داخل منظومة القبة الحديدية
علشان لما تتفتح ثغرة يتم بعدها ارسال الصواريخ الباليستية الفرط صوتية المدمرة..
وهذا غير سلاح المسيرات زي مسيرة ” شاهد ” اللي من كتر ما هي عملية وتقنية روسيا استخدمتها في حربها ضد اوكـرانيا وطلبت خط تصنيعها من ايران ..
ولكن ايران لاتريد حاليًا تضيّع صواريخ منطورة زي دي في مجرد فتح ثغرة .. ولكنها تفتح الثغرات بصواريخ عادية الاول وبعدين تشوف تعمل إيه بعدها ؟!
الوضع الآن أشبه ب “خيط مشدود” وممكن يقطع في أي ثانية.
والعالم كله في حالة ترقب وينتظر الـ 24 ساعة القادمة مخبية إيه؟