. يلا سالم
ما بتسالم ولا بتكالم
وحتى لا بترد تسالم
وأنت تتجاهل تعاتب
فيني حاضر وبرضو غايب
لاهي في أعلى المراتب
وحالي بيهو الله عالم
وحالي عندك دايما ملام .
كيف تغيب وأنت الموالف
وليه بتحجب للعواطف
وأنت من أول وعارف
أني غيرك ماني عارف
وأني بعدك ما بصادف
وبرضو تديني الملام
السمر دونك مودر
والحديث بالمرة يذكر
والمرح غيرك مكدر
والكلام جافي ومكرر
والصباح دونك مكشر
والنهار لولاك بحرر
والمساء زي بدره قصر
ويومنا يلفاه الظلام .
نحن شانك كم نخاطر
وديمة خايضين المخاطر
ليلي كله أعيشه ساهر
وفيني تتلاقى الخواطر
لو تحن تدينا خاطر
مرة أصدق وأبقى حاضر
حتى لو طيف في المنام
أنت عارف بيك نسعد
وكل كلام منك ممجد
والفصول عارفاك وتشهد
وما بنطيب لو أنت تبعد
والعمر دونك مبدد
يلا صافي وخلي الخصام .
حسن خالد حسين.
31مارس2026م.
