#روما، رضوان علي الحسن
في ٢١ اذار، الربيع بيجئ محمل بريحة الزهور والورود، والطبيعة بتتحول لسجادة خضرا بتفرح القلب. في هاليوم بالذات، الشعب الكردي بيحتفل بعيد النيروز، العيد اللي فيه البطل الكردي كاوا الحداد انتصر على الظلم والطغيان.
كاوا ما كان مجرد حداد عادي، كان رمز للصمود والكبرياء. جاء وقتل الطاغية الضحاك، اللي كان كل يوم بياكل ادمغة شباب وبنات الاكراد بكل برودة. كاوا ما انتصر بس للكرد، انتصر لكل المظلومين، لكل الاديان والطوائف، لان الظلم ما بيفرق بين احد.
واليوم، البشرية عم تعاني من نفس الظلم، من احفاد الضحاك اللي عم يقتلوا شبابنا، ياككلوا ادمغتهم وافئدتهم، وينتهكوا حرمة نسائنا. عم يعيشوا بالارض فساد وما بيعرفوا شي اسمه انسانية.
نحن اليوم بأمس الحاجة لرجال من طينة كاوا الحداد، رجال يحملوا هموم شعبهم ويرفعوا راية الحق والعدالة. نحن بحاجة لنتحد ونتصدر على كل ظالم ومتجبر، على كل من نسي تعاليم الاديان السماوية وقيم المحبة والانسانية.
نحنا كاكراد، بنفتخر باصولنا وقوميتنا، بنفتخر بتراثنا وبطولات اجدادنا. وفي نفس الوقت بنحب السلام، بنحب الخير لكل شعوب العالم، لاننا تعلمنا من تاريخنا ان الانسان كرمه الله بغض النظر عن لونه او دينه او قوميته.
وهاي السنة، جا عيد النيروز وفي نعمة مضاعفة من رب العالمين، لانه جا مع عيد الفطر المبارك واعياد الفصح المجيد. ثلاثة ايام مباركة بتجتمع على قلب واحد، بتعلمنا انو كل الاديان بتدعو للخير والمحبة والسلام. هاي المناسبة العظيمة لازم تكون رسالة للعالم كله انو وقت المحبة جا، وقت السلام جا.
بس للاسف، احنا بشرقنا بتجتمع الاعياد وبتجتمع الاحزان كمان. وهاي السنة، احنا عم نشوف همجية امريكية اسرائيلية عم تستهدف إيران ولبنان الشقيقة. وللأسف كمان إيران عم تستهدف دولنا الشقيقة في الخليج العربي دون أي سبب مقنع مع ان معظم الدول العربية ضد هاي الحرب.سواء حرب جديدة؟او حروب قديمة؟ مش مهم التسمية، المهم انو في ناس بتتقتل، في اطفال بتموت، في بيوت بتتهدم.
يكفي حروب، يكفي قتل، يكفي تدمير. نحنا تعبنا من مناظر الدم والخراب. بدنا نعيش، بدنا نفرح باعيادنا، بدنا نزرع بدل ما نحصد الموت.
ياريت توقف هالحرب، ياريت يرجعوا كل اطراف النزاع على طاولة المفاوضات. السياسة موجودة عشان تحل المشاكل، مو عشان تزيدها. ياريت العالم كله والشرق الاوسط بالخصوص ينعموا بسلام دائم وحقيقي.
في هالعيد الجميل، بنتمنى نشهد نهاية كل الحروب. بنتمنى نشوف اعلام الكرد ترفرف عالية بسمائنا، اعلام ملونة بالوان الربيع الاخضر والاحمر والاصفر، جنب اعلام كل الشعوب اللي بتتمنى السلام. بنتمنى نعيش مع بعض بسلام ومحبة مع كل شعوب المنطقة والعالم.
من القلب، ببارك لكل الامة الكردية البطلة، ولكل شعوب المنطقة، وللعالم اجمع، بمناسبة عيد النيروز وعيد الفطر المبارك واعياد الفصح المجيد. وبرجوا من الله انو النيروز الجاي ييجي وكل شعوب العالم عايشة بامن وسلام وحرية، من دون حروب، من دون قتل، من دون تدمير.
كل عام وانتم بالف خير
