هشام علي ودقلبا
ما تفتكر إنه الكوز عنده ذرة حياء وممكن يختشي ، الكوز بخاف بس مستحيل يختشي .. عشان كده في ابريل 2019 فعلوا وضع الخساسة ودخلوا جحورهم ، هربوا من بيوتهم وأولادهم كل واحد حسب الخمشة المدكنها من مال الشعب المنهوب ، في المشوا تركيا وماليزيا والقاهرة ودبي ولندن ، وفي الفروا للقرى والحلال ، وفي الحشروا نفسهم في أقفاص الجداد ..
ما طلع ليهم صوت الا بعد تهاونا معاهم ، لدرجة قرينا من حسابات المبلمين حطب المشروع الحضاري (أنا كوز غيادي تعال أغبضني) .. وارتفع صوتهم أكتر بعدما ركبوا إنقلاب شراكة برهان وحميدتي وأرادلتهم وموازتهم .. وفي عز نفختهم بعد الحرب وجعجعتهم (تعال السودان كان تقدر) جاهم التصنيف دولياً كأرهابيين ، تممممممم صنننننن كلهم لبدوا في جحورهم لبده أكتر من بتاعة ابريل 2019 ، كل كلب خايف على ضنبو ، وأكيد بتكون لاحظت الكوز الأرهابي الكان معذبك في قروب واتساب الدفعة أو الحلة أو زملاء الشغل لاااابد الأيام دي.
الكوز هسي خايف على ضنبو ، لابد مدسوس بخساسته المفطوم بيها ، ما تفتكر لبدته دي الى ما لا نهاية ، لو لقى فرقه يشم الهواء ببشتنك وبخرب ليك حياتك وحياة أجيال جايه .. عشان كده لازم نفعل آليات ووسائل عملية نضربهم جوة جحورهم ، نملاها ليهم موية ، البقعد لابد يغرق جواها ، والبمرق يمد راسه يلقى الكبع راجيه.
وده عمل مسؤليته جماعية ، أي واحد فينا في محيطه في كوز ارهابي او أكتر وخصوصاً البرة السودان .. سهل جداً للناس الفي محيط الارهابي رصده ، وقانون الأرهاب دولياً ما مقصر ، في بعض الدول كتابة بوست او مشاركته أو حتى لايك ساي بصنف صاحب البوست أو المتفاعل ارهابي .. رصدهم ومحصارتهم وضربهم ساهل ابدا ما صعب ، بس محتاج جدية وعدم تهاون وخطوات عملية.
وأبدأ بنفسي عندي عدة وسائل وخطوات برتب فيها هسي وبطور فاعليتها ، أقلاها Call center حول العالم لرصد الأرهابيين بالأدلة الدامغة والتبليغ .. إنت خطوتك العملية الممكن تعملها شنو ؟؟
أرح .
#اي_كوز_ندوسو_دوس
