✍️الصيدلانية: Samah Mustafa
👏ضروري شديد تمنشنوا الأمهات وتشيـ.ـروا الكلام دا في صفحاتكم لأنو مهم وبينقذ حياة أطفال.
الكافلجين بنلقاهو كتير في الدكاكين والطبالي في السودان، وكتار بفتكروه آمن للأطفال وحتى في ناس مسمنو (كافلجين الأطفال) أو (حبوب الأطفال)، وحجمه صغير وطعمه مسكَّر شوية.
منو القال ليكم إنو دي حبوب أطفال يا جماعة😢💔
الحبوب دي عبارة عن 👈 (أسبـ.رين Asp-irin)!
أيوة والله زي ما بنقول ليك..
طيب وين المشكلة؟
⚠️المشكلة إنو ممنوع للأطفال تحت عمر الـ16 سنة إلا بأوامر طبية محددة.
⚠️ومكتوب في علبة الدواء من برا بالخط العريض إنه يُستخدم لأكثر من 16 سنة .. ومع ذلك لسه في ناس بستخدموه لأطفالهم أقل من العمر دا.
🔴قبل ما نعرف ليه الكافلجين (الأسبـ.رين) خطر على الأطفال، خلونا نعرف أنواع الأسبـ.رين:
1️⃣ الأسبـ.رين منخفض الجرعة (Low-dose Asp-irin)
غالباً بيكون من 75 إلى 100 مجم.
مخصص للبالغين لمنع الجلطات القلبية والدماغية للمعرضين ليها، ويستخدم كذلك لبعض الحالات الأخرى.
2️⃣ الأسبـ.رين العادي أو عالي الجرعة (Regular/High-dose Asp-irin)
300 مجم.
يستخدم كمضاد التهاب، مسكّن أو خافض حرارة.
⚠️ الخطر في كافلجين الدكان:
زي ما قلنا هو عبارة عن أسبـ.رين، والأسبـ.رين للأطفال دون الـ16 سنة ممكن يسبب مرض نادر وخطير جداً إسمو “متلازمة راي” (Reye’s syndrome).
⚠️ متلازمة راي – Reye’s Syndrome
دا مرض نادر لكنه قـ.اتـ.ل، بيأثر على الكبد والرئة والقلب والمخ، وغالباً بيجي لما الطفل يستخدم كافلجين (الأسبـ.رين) وصادف وجود بعض أنواع الفيروسات في جسمو، زي الفيروس المسبب للإنفلونزا، أو أبو عديلات، أو البرجم، أو النزلة وغيرها.
👈المتلازمة دي نادرة الحدوث، لكن إذا حصلت فهي خطـ.يرة جدًا وممكن تكون قـ.اتـ.لة لطفلك، فمافي داعي للمخـ.اطرة.. ولا شنو؟
ممكن تسبب نزيـ.ف شديد في المعدة ومشـ.اكل في المخ.
ممكن تؤدي لغيبـ.وبة أو حتى الوفـ..ـاة!
ما عندو علاج محدد، والوقاية إنك ما تدي طفلك أسبـ.رين❌
سلامة أولادنا مسؤوليتنا الكبيرة، وما فيها مجاملة.
أي دواء، حتى لو كل الناس بتاخدو أو تديه لأطفالها، اسأل الصيدلي أو الطبيب قبل ما تستخدمو.
🔴ولو محتاج لطفلك خافض حرارة ومسكن آمن، فالخيار الأفضل على الإطلاق هو شراب البنـ.دول، وممكن البروفـ.ين بعد الاستشارة.
