بعد فيلم النور قبة دا عاااادي المعاتيه من الكيزان الظاهرين والمستترين والبلابسة المغيبين وبكل عين قوية وسن ملوية حيسألوني انا الامة الفقيرة الى الله رشا بنت عوض عن انتهاكات الفاشر

رشا عوض
زي ما بسألوني من انتهاكات ود النورة واللواء ابو عاقلة كيكل قاعد يعرض وسطهم
مبروووك عليكم عودة الجنجوييد ، بس عليكم الله لو هناك انتهاكات حارقاكم وواجعاكم بالجد اسألوا منها الجنجوويد العائدين الى حضن الوطن ، ما مشكلة اثناء ما هم في حضنكم او داخل السيارات الرئاسية المهداة اهمسوا في آذانهم الطاهرة بأسئلتكم عن الانتهاكات ولو بلغة العتاب ، ما قلنا ليكم حاسبوهم او حتى طالبوهم باعتذار علني ، بس حسكم عينكم يا بجحين يا وقحين يا لزجين تجيبو سيرة الانتهاكات دي لي انا بالذات ولا لاي زول من القوى المدنية الساعية للسلام لانو اي حاجة في الدنيا دي عندها حد حتى قلة الادب والبجاحة