فتحت الفيس لقيت صورة الجنرال ده حايمة ،، غمز ولمز يوحي ان وراء الاكمة ما وراءها ،، وما عارف ليه اتذكرت الشرع في سوريا ،،

فتحت الفيس لقيت صورة الجنرال ده حايمة ،،
غمز ولمز يوحي ان وراء الاكمة ما وراءها ،،
وما عارف ليه اتذكرت الشرع في سوريا ،،
ومن وجهة نظري ،،
عوض ابوشعرة
أي شرع ،، قصدي أي جنرال يمسك في يدو كتشينة اللعب بعد الهدنة ،، حيكون وراهو خواجه بحرك ليهو في ايدو ،،
وطالما في واحد اتنين تلاتة من سلاسل الرباعية المحفوظة للناس كلها ،،
وطالما انتهينا من قصة وجود بني كوز في المسرح السياسي بالفرمان الامريكي ،، واصبح امر ( اقتلاعهم ) حتمي ،،
وطالما بدا الحصار الاقتصادي والسياسي واثمر اشراقات هنا وهناك ،،
وطالما نحنا ما فارق معانا الجنرال الحيقود العربية بعد سريان الهدنة ،، علي اساس ان الدركسون والفرامل مافي يدو ولا تحت كرعينو ،، ؟
والاهم من ده كلو ،،
شعب الثورة حافظ جلالاتو ،،
وبطرق في حناجرو لأي ( مجمجة ) ،،
وعارف مفروض العربية تمشي كيف ،،
وفي أي لحظة ممكن يقيف قداما يجهجها ،،
طالما ده كلو حاصل ،، نحنا خايفين من شنو ،، ؟