خايف على الأطفال من البلد
الغريب ..
يا وطني احساس بي
الامان ..
يا وطني كباية حليب ..
خايف على الأطفال من البلد
البعيد ..
لا الملابس .. هي الملابس ..
لا المدارس
هي المدارس .. لا النشيد ..
ياهو النشيد ..
وكيف اذا ما الدنيا عيد..
خايف على الأطفال .. من الشارع الغريب ..
من سلام .. ما زي سلامنا
من كلام .. ما زي كلامنا
ومن حبيب .. ماهو الحبيب ..
ياوطني احساس بي الامان
يا وطني احساس
بي الحنان ..
ويا وطني
كباية حليب ..
عبدالوهاب هلاوي
