المشكلة العوقة ما عندكم انضف منو يا عشه ،، زول دكتور وكان شغال في مؤسسة دولية في منصب مرموق رغم التزوير العجل بي رحيلو من المؤسسة ،، فشنو

عوض ابوشعرة
المشكلة العوقة ما عندكم انضف منو يا عشه ،، زول دكتور وكان شغال في مؤسسة دولية في منصب مرموق رغم التزوير العجل بي رحيلو من المؤسسة ،، فشنو ،، لو شخصيتو ضعيفة دي حاجه في مصلحتكم ،، يقولوا ليهو يمين ،، يلف يمين ،، شمال ،، يلف شمال ،،
نفس العوقة ده قدر ما حاول يتمسح في ثورة ديسمبر ما قدر ،،
اخد ليها اجازة عديل وخلي ربيع جنيف وجا قعد في سموم الخرطوم ،،
وقدر ما حاول يلمع نفسو بأستجداء الحوارات التلفزيونية ،، والفيديوهات التي اتفزلك فيها وطنيا وديمقراطيا لدرجة انا اتخميت فيهو ،، وافتكرتو علي محمود حسنين جديد ،،
العوقة مشكلتو نرجسي ،، وكان مفروض يكون شاعر زي مجدي منو داك القاعد يألف غنا القونات ويلحنو ليهن ،،
يا عشه الماجدي لو كان في بديل للعوقة كنا نقول لكن لو افترضنا الكاهن سمع كلامك ورفدو ،، يجيب منو ،، ؟
غايتو انا برشح ليكم الفريق النور قبة ،، ولو ما عرف يكتب اسمو في عقد العمل ،، ممكن يبصم ،،
ولو عايزنو رئيس وزراء مدني ايه رايك في ترك مرق ،، ؟
او ممكن موسي هلال ،، علي الاقل حيخوف ليكم المحكمة الجنائية ،، ،،
#من_الفاتيكان_لركن_النقاش_في_اكسفورد_يا_قلبي_لاتحزن