. لعبة الأقدار
مهما يكون حكمك
أنا راضي بي قدري
والجاي في أمري
سلمته لي ربي .
ياريتني لو أقدر
أغير الأقدار
كان سقتا دربي اليك
ونكمل المشوار
لو كنت بتحكم
أو كان بيدي قرار
كان صرت ليك عشوق
وقلبك صبح لي دار .
أصلو القدر مكتوب
وما لينا منه فرار
أخلصنا في النية
وجات لعبت الأقدار
باكر تعود أرواحنا
تجمعنا من تيها
وتعود مياهنا كمان
تجري في مجاريها .
ومهما الدنيا تقسو عليك
وتسقيك دي المرة ..
من تاني تبسم ليك
تديك حلو الريد بالمرة .
ومهما تدي من ريدك
تلقى الجفا ونفور
طبع الظبا الجفلان
وذنب الحبيب مغفور
لا تظلم الأقدار
ولا في الريدة تبقى غيور
أرضا بنصيبك وكون
عاشق وفي وصبور .
حسن خالد حسين .
يوليو ٢٠٢٥ م .
