،، واما ابو ظبي فأكيد شفت الفديو بتاع المهرجان السوداني الغنت فيهو انصاف مدني ،، وشفت المودة السودانية مع الاماراتيين دي كيف

عوض ابوشعرة
،، واما ابو ظبي فأكيد شفت الفديو بتاع المهرجان السوداني الغنت فيهو انصاف مدني ،،
وشفت المودة السودانية مع الاماراتيين دي كيف ،، واكيد ما بتكون كملت الفيديو خوفا من تجيك جلطة ،،
ياخ الاماراتيين فاتحين بيوت السودانيين الشردتوهم من بيوتهم بواسطة اولادهم الشغالين هناك ،، طبعا انتو الحاجه دي بتزعلكم لانكم ما عايزين ليكم سوداني عايش غيركم ،،
واما الجيش ف لازم يتفكفك ويتنضف ويتأسس من جديد وفقا للعقيدة الوطنية وليست الجهادية الودتنا في ستين داهية وخلتو جيش تنظيم ،، هسي الله يسألك يالطاهر ياتي عمرك سمعت ليك بي جيش اشعل حرب في عاصمة بلدو ولبد لغاية ما الجنجويد اتمكنوا من الخرطوم طولا وعرضا ،، وكل ده عشان تقولوا للمجتمع الدولي وااااااي ،، الحقونا ،، الجنجويد هتكوا الاعراض وقتلوا المدنيين وشردوهم وقعدوا في بيوتهم ونهبوا ممتلكاتهم ،، طبعا ده نفس الفيلم لما مات جون قرنق ،، خليتوا الجنوبيين يطاردوا في الشماليين في الخرطوم نهار بي طولو اختفت فيهو الشرطة وكل ده عشان تقولوا لينا ديل ما بشبهونا ولازم ننفصل ،، يعني لما بنقول الجيش لازم يتفكك ويتكون من جديد فلينا حق ،، ولا كيف ،، ؟
هسي عمرك سمعت بي جيشنا ده دافع ليهو عن احتلال ولا قتل ليهو اجنبي ولا بكتل فينا من قبل الاستقلال ولي هسي ،، ؟
اما الحياد ،، فموقف ثابت منذ ان شعرت قحت بالتحشيد والتحشيد المضاد ،، ومحاولاتها لرأب الصدع لم تتوقف حني لحظة اطلاق جيش علي كرتي وسناء الطلقة الاولي في المدينة الرياضية ،،
وغير كده خليني اسألك ،، لو كلنا عارفين انو الجيش الكيزان اشتغلوا فيهو غسيل ومكوة لاكتر من ٣٠ سنه ،، فهل كان مفروض ندعموا في حربوا ضد الثورة يا ابطاهر ،، ؟
الطاهر انت كنت شاطر لما كانوا الناس مغمدين ،، بس الناس فتحت وفهمت وانصحك اعمل ليك خميرة جديدة تكتب بيها او اعتزل ارحملك ،،
واما المنافي فحفظا للارواح ،، انت ما شفت الزول بضبحوهوا لانو متهم بالتعاون مع المليشيا لما الجيش هرب خلاهم تحت رحمتهم ،، ؟
انت عايز حمدوك وسلك وجعفر حسن وشريف وكل اخيار البلد يرجعوا البلد عشان تقتلوهم ،، ؟
يا راجل ما تختشي ،، ،، ؟