علي بابكر المشرف
كعذابي ومابلزمني خروف بعد صلاة العيد رقدت شوية وقمت قلت بعد دا امشي الجزارة الجنبنا في الظلط واصلا وقت اقوم نفسي دي بعزها شديد مسكينة ماعندها زول غيري وانا يتيم 🤣🤣
قلت ياود تجيب ليك كيلو ضان كامل عشان تعمل جو العيد ترميهو في الحلة القطر قام واصلا الشطة الخضرا والدكوة قاعدات فتحت الباب لقيت جارنا معلق الخروف في شجرة النيم انتهي من الضبح وفي مرحلة السلخ باركت ليهو العيد قال لي بعد شوية كنت حا اضرب الباب اقول ليك تجي تفطر معانا قلت ليهو دقيقة امشي الفرن اجيب ليكم العيش والخضار (عشان اثبت حقي طبعا) 🤣🤣
المهم فطرنا وشعرت بخدر فطور الضحية اللذيذ يسري في جسمي استأذنت عائز امشي انوم قال لي دقيقة دخل جوه جاب لي جك شربوت و مابحكي الحصل بعد داك شنو المهم صحيت قبل شوية ??🤣
هو المصبر الناس شنو علي السودان غير شعبه اللطيف
