عوض ابوشعرة
بعدما الفيكم اتعرفت واتشافت دمار وحروب وفساد وافقار ممنهج وتعليم تافه واستعلاء مقصود ،، بعد ده كلو ،، وبعد ٣٠ سنه حكم جاي تتكلم عن المشاركة في الاعمار ،، ؟
وسؤال مباشر ،، مش كان ممكن تعتذروا للشعب السوداني عقب الثورة وعزل البشير ،، ليه قررتوا تبيدونا وتقعدوا انتو ،، ؟
وسؤال تاني يا امين قندفة ،، ،، تفتكر مشاركتكم بعد تصنيفكم جماعة ارهابية حيكون فيهو خير للشعب السوداني ولا ازية ،، ؟
وهل بعد هذا التصنيف ستكون مشاركتكم في الحكم عادية كده ،، ولا حتجيبوا لينا مصيبة التشفير الدولي مرة تانية زيما كان حاصل لغاية ما حمدوك قدر فكاهو ،، ؟
العالم كلو بيقول ما عدي المؤتمر الوطني وانت جاي تحنس الشعب الاتذي بي سببكم عشان يرجع لبيت الطاعة الكيزاني تاني ،، ؟
يا امين ياخ ما تتفكفكوا كده ولا كده ،، انتو الشعب السوداني ده ما عندكم فيهو اهل تخافوا عليهم ،، ولا كلهم في تركيا وقطر والسعودية ؟ ،،
ما عندكم داخل السودان خالات او عمات او اعمام او اخوال او حتي جيران ،، ؟
ليه الاذيه دي وشعبنا في دول اللجوء بيتهان بي سبب حربكم الرافضين توقفوها حتي تنتهوا من اخر مواطن عايش بعيد عن تنظيمكم او موالي لفسادكم ،، ؟
انتو ليه ناسين ربنا ،، ؟
#الله_غالب
