عوض ابوشعرة
انت قايل نفسك حمدوك يا جبريل ، ؟
حمدوك قبلما يطلب من المغتربين والمهاجرين يحولوا فلوسهم لداخل البلد ،، جفف السوق الاسود للعملة لدرجة ان سعرها في البرندات وصل لاقل من سعرها في البنك ،،
والمغتربين كانوا ببيعوا في السوق الاسود طول عمرهم ومن زمن نميري لانو سعرو اعلي بكتير من السعر الرسمي الوهمي ،،
ولما المغتربين عرفوا ان سعر البنك اعلي بقوا يحولوا بالبنوك ،،
يعني الحكاية ما عوارة ،، ده عرق غربه يا صاحبي ،، يحولوهو ليك بالدرهم والريال عشان لما يجوا يسحبوهو يلقوهو بقي ملاليم بالجنيه من اثر التدهور المستمر ،، ؟
اها يا جبريل ابو دولار يساوي خمسه الف جنيه وماشي في النازل ،، تقدر توقف تدهور قيمة الجنيه ولا ما بتقدر ،، لو ما بتقدر ما تفضح عجزك وفلسك اكتر من كده ،، خت الكلاش وسلم امرك لله ،، اصلا من تناصرهم ميتين ميتين ،، انت لسه ما سمعت صوت الحفارات بتقلع في بني كوز ولا شنو ، ؟
