ايوب بوعدي : دراسة الرياضيات تساعدني على فهم اللعبه بصورة اسرع لانها تعزز قدرتي على التحليل و اتخاذ القرار “

الجملة اللي قالها ايوب بوعدي دي بتثبت انه مش بس موهبه صاعده ، لكن احنا امام مشروع لاعب متكامل ، مش مجرد لاعب بيلعب كورة ، لكنه انسان متعلم و مثقف و قادر علي ربط العلوم ببعضها !
في حاله لو متعرفش ف ايوب من صغره بيتم الاشاده بيه من معلمينه في المدرسه لانهم لاحظوا عليه اهتمامه بتفاصيل صغيره زي النظام الغذائي و ممارسه رياضات اخري زي السباحه و التنس و الجمباز و ده اللي خلاه يلقط مهارات عديده في سن صغير و قدرت تخدمه في كرة القدم !
المبهر بقي ان ايوب بوعدي خلص الثانويه بتاعته في فرنسا بتقدير امتياز ، و دلوقتي هو بيدرس رياضيات في الجامعه ، و بما ان الرياضيات علم ذو افاق واسعه ف ده خلق عنده حلول و ابتكارات عديده ، ذهنه اتغسل مسائل و اتعرض لمئات الاسئلة المختلفة و زادت طرق اجابته علي كل سؤال !