عوض ابوشعرة
سمعت تسجيل قصير لابرهة بقول فيهو هذه ( الدولة ) محاصرة ومحاربة من معظم دول الاقليم ،، اما داعمة للمليشيا واما ( قاعدة بتتفرج ) ،،
طيب يا برهان ،، حاجه زي دي مش مفروض تخليك ترجع بذاكرتك شويه لليوم المزقت فيهو الوثيقة الدستورية التي حددت وظيفتك برئاسة مجلس سيادة محدود الصلاحيات ولفترة محددة وانت اتمردت علي الاتفاق ده وعملت انقلاب جعل الاتحاد الافريقي يعلق عضوية بلدك لانك انقلبت علي حكومة ثورة متوافق عليها وبشهادة المجتمع الدولي ،، ؟
ثم لما الشعب طلع ضد انقلابك انحنيت للعاصفة ودخلت الناس في حوارات الاتفاق الاطاري وقبل التوافق عليهو اشعلت الحرب عشان ما تقوم من الكرسي ،، ؟
والحرب افرزت شنو غير عرت كل الخونة لو في تنظيم الكيزان الداعم وصارف دم قلبو في الحرب ،، ولا في ارزقية الاعلام والصحافة وقونات الغناء الهابط ،، مع الفلول الذين لا يعرفون العيش خارج اجواء الفساد ،، اغتنوا في فترة حكم الانقاذ ويدعمونك الان للحفاظ علي نفس الظروف التي جعلت منهم مهراجات علي شعب فقير ،، !
يوميات الحرب اوصلت لدول الاقليم معلومة مفادها انك حاكم سطي علي الحكم بليل ،، ومجرم ممكن يضرب شعبوا بالكيماوي عشان يحكم ،، ،،
تفتكر أي رئيس دولة مجاورة لو كان لديه ذرة من اخلاق ،، تفتكر ممكن يقيف معاك في حرب لا هدف لها سوي تحقيق حلمك ،، ؟
يا برهان لم يعترف بك احدا كرئيس للسودان ،، فلماذا يدعمونك في حرب عبثية دمرت بها بلدك وشردت بسببها شعبك في دول اللجوء ومعسكرات النزوح ،، ؟
حتي الدول التي تورطت في دعمك فشلت في الانتصار لك ،، أو اصلاح حالك وانت تكذب اناء الليل واطراف النهار ،، الي ان انتهت الفرصة وبقوا هم ذاتهم في ( تولا ) ،،
والان بعد وصلت اكاذيبك حدها ،، مع ضغط المجتمع الدولي والشعب الرافض للحرب ،، لماذا تعاند الواقع وكل الناس عرفت انك مهووس بالكراسي حتي لو مات كل الشعب ،، ؟
يا برهان اقسم بالله العظيم انت ما تحكمنا لو انطبقت السماء علي الارض ،، لانو مافي مجرم ممكن يحكم شعب دون ان يأتي له يوم يدفع فيه فاتورة الحساب ،،
اما الكيزان فياريت نلقي منهم ناس نتفشي فيهم قبلما يهربوا ،، ،،
انتهي الدرس يا برهان ،، وانا في وانت في ،، ،،
