السودانيين أشقاؤنا مش ضيوف علينا.. طبيب عيون مصري يتحرك لعلاج أسرة سودانية بتعاني من فقدان البصر

⭕ بعد مناشدة صانع المحتوى المصري الهلالي شو لمساعدة أسرة سودانية بتعاني من مشكلة فقـ.دان البصر، استجاب طبيب العيون المصري الدكتور محمد رزق، وقرر يتدخل علشان يساعد الأسرة ويقف جنبهم.
⭕ الدكتور محمد رزق أعلن إنه تواصل مع الأسرة واستقبل أفرادها، وبدأ بالفعل يعملهم كشف طبي علشان يعرف حالة كل واحد فيهم ويحدد العلاج المناسب ليه.
⭕ والطبيب وضح إنه بعد ظهور نتائج الفحوصات، هيكون فيه فريق طبي متخصص من نخبة أطباء العيون في مصر، علشان يدرسوا الحالات ويحددوا أفضل طريقة للعلاج حسب الحالة الصحية لكل فرد.
⭕ وأكد إن مساعدته للأسرة نابعة من واجب إنساني وأخوي، وإن السودانيين مش غرباء عن مصر ولا ضيوف على قلوب المصريين، دول أشقاء بينا وبينهم تاريخ وروابط ونسب وإنسانية.
⭕ وقال إن اللي بيقدمه للأسرة مش فضل ولا منّة، لكنه واجب تجاه أشقاء محتاجين حد يقف جنبهم ويساعدهم في محنتهم.