امير احمد السيد
المعروف ان المنتج الجاد لايحب فقرات التسويق أبدا لأنها بتضيع ليه محتوى ممتاز كان ممكن يقدمه للناس إضافة إلى انها بتاخذ زمن طويل ولكنها تظل شر لابد منه فهي التي يدفع منها مرتبك وهي التي تضمن استمرار المؤسسة الإعلامية
المهم عندنا منتج من النوع اللزيز جدا زول كده ما مع الناس ونكته زولك كان منتج لذلك اليوم وكانت فقرة التسويق مقدمين فيها وزير مطنقع طنقعة شديدة وعامل فيها ضكر بط المهم صاحبنا دخل المكتب لقى السيد الوزير قاعد سلم عليه وطوالي قال ليه أتفضل يا سعادتك على الاستديو قام سعادتو عدل بدلتوا وظبط روحوا ومعاهو واحد طوالي وقف وبرضوا عدل روحه وصاحبنا أتقدمهم و شابكم ليك اتفضلوا يا سادة اتفضلوا لحدي ما وصلوا الكرسي وقعدوا الضيف والزول المعاهو جابو ليهو داك يا الكرسي وقعدوه وبدأ الحوار والاسئلة توجه للسيد الوزير وصاحبنا المعاهو يوزع في البسمات ويضحك إذا ضحك الوزير وينزعج عندما ينزعج المدير بل ويبدي اعتراضا صامتا ، اصبح المذيع والمذيعة في حيرة من امرهم فهذا الضيف لاصفة له وغير موجود في الحوار والأمر ازعجهم كثيرا مما اضطرّ المذيعة للخروج في فاصل ونادوا على المنتج (الهايم) دخل المنتج الاستديو وبسؤاله من هذا وما صفته صمت قليلا وقال مع الوزير المهم اخيرا طلع الضيف الثاني سواق الوزير مما اضطرّ المنتج لأخراجه من الاستديو ورفع الكرسي ومواصلة الحلقة والجميع يتسآل اين ذهب الضيف الثاني ؟
