في تكريمه بنادى الباسا كعميد لاغنية الطمبور… وفي زياراته المتكرره لنا في رى كاب الجداد وهو وفرقته كانوا ياتوننا..ويعملوا قعظات مشهوده تكون له معجبيه بمنطقة كاب الجداد وماجاورها ومما يسمع الناس بانه صديق جا كاب الجداد بمنزل خالنا عمر جاز يتقاطر الناس من المنطقه والقرى المجاوره للاستماع اليه. لن ننسي له حفلاته التي اقامها بمناسبة زواج ابن عمتنا وزوج شقيقتنا حيث اقام له حفلات في السعوديه وحضر معه خصيصا وعمل له حفلات حنه بامدرمان وفي الجزيره بمنطقة رئاسة قسم المنسي حيث كانت ام الحفلات حيث غني علي مدى يومين حضرها كل ابناء ارقي بالجزيره.
قدمته بكلمات بسيطه قلتلو
ياصديق نحنا رشحناك الرئاسه
انت ماالحافظ تراثنا وكل صور الحداثه
بي الشهامه فينا مشهود ما اتلفت ليها كاسه
عاده من زمن جدودو من حبوباتو حارسا
في عمل الخير تلقاهو البتم كل ناقصه
بقالنا شدرة محبه بي جذوره في ارقي غارسه
***********
ياصديق انت جان ولا جني
ياخي ماتلمني
اصلي لما اسمعك اغني
ببقي زى عريس وفي ايديا حني
حولي البنات يزغردن
امدليهن ايدى واهني
ابقي قريب مني
اوعه زول يسمعني
قولة بحبك ماكفايه
اصلك انت حته مني
***********
مزمار داؤود ياهو صوتك
عزفتبو بي كياسه
ملكت قلوب الناس وكم صغت احساسه
والرايح بالسنين وفتر اهلو بالكواسه
يلقوه قاعد راجي صديق في نادى الباسا
الحواس معلومه خمسه وانت زايد بي السادسه
في اختيار الاغاني والالحان عندك سياسه
يطرب لي غناك نخيلنا
حتي لو ماعندو حاسه
جزء من قصيده طويله جدا تناولت فيهت سيرة الهرم
