بالضبط أنا عايزك أنت تعرف
كم بريدك وقلبي بهواك
وأني ما بدلتو ريدك
ولا لا ما حبيت سواك .
وهي المقادير بينا فرقت
وعز لي فرصة لقاك .
وبقينا بيناتنا المسافات
وأقوى أنواع الصلات
ومافي غير يبقى التواصل
بالهواتف والدردشات
نرجى يومنا متين تطلوا
وتبقى رايعة الأمسيات
والرسائل مهما تكتر
ما بتشبع .. زي الفتات
هي زي حاجة فقط تصبر
والصبر من شوقنا فات
وقولي بالضبط ليك نحن نصبر
وما نخلي الشك يسيطر
وعادي كلما الرد يأخر
تبدأ جوانا الغيرة تكتر
والهواجس والمظنة تظهر
ونحن نتأوه و نسهر
والظنون تتلون تحير
الا بالضبط أنت أعرف
أن حبك هو أول
وأنه أخر لا يحول
وأنه زاهر ورده أجمل
وأني رايدك مهما يحصل
ما بسيبك …. بيك بقبل
قولي – بالضبط – ما تقلل
ومها ليلنا يمد يطول
يبسم الفجر وشمسك تطل
ومهما كان أبحارنا أطول
يوم أكيد للبر ح نوصل .
حسن خالد حسين .
10نوفمبر 2025 م .
