ايمان الشريف دي قبل كده لبسوها لبس الجيش مع مجموعة من الفنانين المحرضين حاليا على الحرب وقتل السودانيين

حسن فاروق
قال ليك في فنانة اسمها ايمان الشريف جابوها من بره تعمل حركة في شكل وردة تغني في لفة الكلاكلة في نص السوق عشان تقنع الديك انه السودان بلد آمن طبعا طبعا معروف منو ورا اللقطة ( طرف الحرب القاعد في بورتسودان) اصلا ايمان قبل كده لبسوها لبس الجيش مع مجموعة من الفنانين المحرضين حاليا على الحرب وقتل السودانيين هم نفسهم وقت لبسوها الكاكي .. اها ايمان بعد عملت حركتها الفي شكل وردة قعدت في السودان؟ ابدا .. رجعت من حيث أتت، عملت شنو؟ خلت سوق الكلاكلة والناس الاتلموا يوم زيارتها المفاجعة ومشت فتحت مطعم .. ووين .. في السعودية… مالها الكلاكلة اللفة عيبيها لي الجيتي عشان تقنعي ديك جوه وديك بره انه البلد آمن .. لو عملتي ايمان للكوارع وقعدتي في الكاشير كان اقنعتي الديك لكن منو البقنعوا.
تسقط تالت