الإعلام ٠٠٠٠٠بين التاثير و المسؤولية
– هل الإعلام لسه بيأثر في الناس؟
– طبعًا، يمكن أكتر من زمان كمان… بس التأثير دلوقتي بقى سلاح له حدين.
في جلسة بسيطة جمعتني مع إعلامية مخضرمة، الأستاذة *مروة عيد*، دار بينا حوار مهم عن دور الإعلام في زمن السوشيال ميديا والانفتاح السريع للمعلومة.
قالتلي:
“الإعلام زمان كان فيه احترام للكلمة، دلوقتي السرعة بقت أهم من الدقة… وكل واحد ماسك موبايله بيعتبر نفسه إعلامي.”
رديت عليها وقلت:
“فعلاً، بس لسه في إعلاميين محترمين زي حضرتك بيحاولوا يرجّعوا القيمة للكلمة.”
ابتسمت وقالت:
“الإعلام مسؤولية، مش شُهرة وخلاص. كل خبر بيتقال بيأثر في حد… ودي أمانة لازم نكون قدّها.”
ومن هنا، عرفت إن الإعلام مش بس نقل حدث… الإعلام وعي، وأسلوب، ورسالة بتوصل لقلوب الناس قبل آذانهم.
مش لازم كل ما نسمعه نصدقه، ولا كل منصة نتابعها تكون مصدر ثقة.
وتحت إشراف قامات زي الإعلامية مروة عيد، نأمل نرجّع للإعلام مكانته… ونفكر قبل ما ننشر، ونفهم قبل ما نحكم.
