سالمتي بي عينيك
يوم التقينا صباح
ضوت مصابيحك
بق البرق لفاااح
ورفعتي حاجبينك
ودر كلامي و راح !!
وأشهرتي رمشينك
منعت عيوني رمااااح
أنا من بريق لحظيك
يا ربي القى صلاح .
غطى الندى خديك
سيل على التفاح
نزل الشفاه يسقيك
عسل النحل السااااح
أروي قليب راجيك
عطشي العليا وين راااح
أسقي القلوب همسك
خلي النفوس ترتاح .
دي الدمعه من عينيك
من المقل تندااااح .
لو سال دمع في وشيك
بتغرق معاك أرواح
جات أبتسامتك ديك
وفيها طل صبااااح
لؤلؤ سنونك فيك
حزية صفوفن صااااح
ولمن قلتي أهلا بيك
العندي كله أجتاح
ذهب الوقار مني
وعقلي جن وطاااح
لا عرفت أأشر ليك
لا عرفت أبدا صراااخ
أنا مستجير عينيك
لو مت كنت أرتاااح .
حسن خالد حسين .
٢٠٢٥ م .
