توفي لاجئ سوداني موسي ابراهيم بعد ليلة واحدة قضاها في معقتل نتيجة لمضاعفات مرض الكلي وسكري وقالت شقيقته مني ابراهيم #لقلب_الشارع أن موسى اعتقل قرب مستشفى الأمل لأمراض الكلي في شارع الهرم حيث تركته لبعض دقائق لتعود وتجد مقتنياته مبعثرة في شارع . وأضافت وهي تذرف دموع “لقيت جزلان بتاعو وفيه إقامة سارية والجواز وكرت المفوضية كلها مرمية في واطاة مبلوله بي بول بتاعو ولمن سألت المارة قالو الزول رفعو في العربية هسي ”
وأضافت ” ما قدرت اعمل شنو ولا امش وين عشان انقذ موسي مش من الترحيل بل الموت لانو ما بتحمل حالتو متأخر جدا اتصلت بالسفارة عشان اشكي ليهم ما ردو لي
بعد داك اتصلت بي صحبو وساقني مشينا مكان الاحتجاز لقيناهم في محتجزين في غرفة بكمية قلنا لضابط المأمور الزول عيان ومقيم بي طريقه قانونيه طلب مننا المستندات والانتظار لكن الموضوع اتأخر قالو نمشي ونرجع الصباح ولكن مات باليل بسبب إهمال
