حاولت كتير اعمل تهنئة بحلول العام الجديد بس اتذكرت انو نحنا كل عام نرزل ،، فقلت في نفسي مافي داعي للشلاقة ،،

عوض ابوشعرة
كل المؤشرات بتقول ان الرسم البياني ماشي لي تحت ،، فمافي داعي اهني الاصدقاء بعام جديد واطلع في النهاية كضاب ،،
مع انو كانت حتكون كضبة واحدة في حياتي ،، وبرضو ما قدرت اتحملا ،، وما عارف الكيزان ديل بجيبوا قوة العين من وين وهم بكضبوا اكتر مما بتنفسو ،،
برضو اتذكرت ان راس السنه متزامن مع عيد الاستقلال ،،
وواضح من تاريخو في ١/١/ انو استقلال تسنين ،،
وما عارف الاستعمار كان كيف بس الاستقلوا بينا استغلونا ،،
وضيعوا بلدنا اكتر مما فعل الاستعمار ،،
بل بالعكس ضيعوا ارث الاستعمار الخلاهو لينا نبني عليهو ،،
خلي لينا مشروع الجزيرة والسكة حديد والخدمة المدنية ،، وكلهن ضاعن بسبب الاستقلوا بينا ،،
وياريت لو كان الاستعمار لي هسي موجود كان علي الاقل لو ظلمونا الخواجات يكون ظلم مستعمر اجنبي ما بني ادم محسوب عليك ،،
الواحد بقي عينو في حقو والكوز يقول ليهو كان راجل تعال شيلو ،،
ديل وصلوا مرحلة عايزنك تحارب ليهم غصبا عنك ،، وتموت عشان يجوا يلقوها باردة ،،
او تمشي للنايب العام الملاكي متهم بالتعاون مع العدو ،،
فشنو ،، الجاتكم في استقلالكم ما سامحتكم ،،
ويارب ،، مستعمر جديد عيونو خدر ،، ،،