بنات زمان .. أو حبيبات زمان ..
ولو ما اخاف الكضب البنات لي
هسه جن (الواحده) تقول لي (وحيدا) .. في (واحد) اتقدم لي .. والجقلبه تقع لو ( الواحد)
قليل خبره .. في واحداتات
حربيات .. الواحده تتزوج وبس تخلي زولا ياكل نيم .. وديل كتاااار اكتر من النيم ذاتو .. كرت احمر مباشرة .. كمان ما معقول العشاق لا ترحم ولا تخلي
رحمة الله تنزل ..
في فتره من الفترات انا سمعت نوع الكلام ده كم مره وكم مره طنشت باعتبارو كضب ساكت ..
لزوم إشعال الغيره لما الفاس وقع في الرأس .. وبي اضاني سمعت صوت الحفله .. وشفت اللمه بس الحمد لله كانت خطوبه .. المهم اني اخدت
لي بكيه حااااره .. قلت خيرا في
غيرا .. صحي كتبت كم قصيده
لزوم التوثيق للحدث التاريخي ََ.. وكانت ما بين تلاته قصايد .. قصيدة دبلة شنو البدلتي بيها
هوانا أنا ..
يا روعه يا خدر المشاعر ..
يا وداد مليون سنه
شان دبله بس .. يا غاليه ترخصي حبنا ..
وأنا ما بعز الروح عليك
في عيوني ما عز السنا ..
يا حليلي كان .. كلمات هواك
في القمره قلبي مدونا ..
في جناح طيور .. ناويه الرحيل
وعلي النخيل َ.َ. ضامي الجنا ..
الصوره في قلب السكون
دايما اشيل واحضنا
ومرات رسايلك .. في اشتياق
دمعات عيوني تعطنا َ..
…
الطريف الخطوبه طرشقت .. العرس ذاتو طرشق ..
وطرشق الحنان بره وجوه وبقت
الذكريات صادقه ونبيلا .. وصوت الصديق النور الجيلاني
يشق الليل ..
يا وداد .. يا وداد .. يا وداد ..
هلاوي
