• كابتن أحمد شوبير اتكلم النهارده أو إمبارح، أو هو أصلًا كل يوم عنده برنامج بيتكلم ..أنا دايمًا بقول إن اللي بيني وبين كابتن شوبير كل خير، والاختلاف في الرأي لا يفسد للود قضية
• لكن فجأة لقيت كابتن شوبير بيتكلم عن أحمد عبد القادر وبيقول إنه قعد مع مسؤول من الزمالك، وإن ده مش احتراف، ولازم لو عايز تمشي تقول، وإن لو كانت دي حصلت في الأهلي كانت الدنيا قامت
• أنا بس مش فاهم، ليه دايمًا الزمالك لازم يدخل في جملة مفيدة؟ حضرتك عندك دلوقتي مشاكل كتير، ما تتكلم عنها بدل ما تحشر الزمالك في كل حاجة .. هو عدم وجود أخبار من الزمالك عامل قلق؟ هو القفلة اللي عاملها الزمالك مضايقاكوا للدرجة دي؟
• ولو على التفاوض أثناء العقود، ما معتز إينو طلع قال إنه قبض فلوس من رئيس الأهلي الحالي وقتها وهو لسه فاضله سنة ونص في عقده، مين علق؟ ولا حد .. ليه يا كابتن شوبير معلقتش على كلام إينو؟ يا ترفعوا قضية على معتز إينو لأنه أساء للأهلي، يا تقولوا حصل وخلاص، وساعتها يبقى طبيعي إن التفاوض بيحصل حتى لو في نص العقد
• الغريب حضرتك داخل في خناقة مع محمد عمارة بسبب كلامه عن أزمات أوضة اللبس في الأهلي، وبتقول هتاخد إجراءات قانونية، وده حقك طبعًا، لكن طول النهار بتتكلم عن مروان عايز فلوس، ووسام عايز يمشي، وغيره وغيره، عادي؟! .. إيه حكاية إن كل حد يقول رأيه يبقى ضد النادي؟ وإيه الزج باسم الزمالك في كل حاجة؟!
• لازم برنامج على قناة الأهلي يجيب سيرة الزمالك… لازم أي موضوع نكلم فيه عن الزمالك .. حتى لما نتكلم عن كأس العالم، منقولش إحنا خسرنا، لأ، نقول الزمالك مراحش
• كل المشاكل اللي عندكوا سايبينها، ولاعب عايز يمشي عشان يلعب أساسي.. أنا مالي كزمالك؟ ليه يتحط اسم الزمالك في الحكاية؟ .. وليه لما حد يجيب سيرة الأهلي بنحس إنه خان وطن، لكن الزمالك سهل نجيب سيرته ونحلل ونتكلم ونغلط؟ ليه؟
• نفس الإعلاميين اللي بيهاجموا الزمالك، لما نفس الحاجة تحصل في الأهلي، بيدافعوا عنه، حتى لو في قنوات المفروض تبقى محايدة… يعني مثلًا، زيزو مشى من الزمالك وما التزمش، عادي. لكن وسام ما يلتزمش في الأهلي، يبقى خيانة وكارثة ونهاجمه ليه؟ بس هو ده اللي بيحصل. نفس الفعل، رد الفعل بيختلف حسب النادي الرجاء المناقشه بعقليه مثقفه مستنيره بعيدا عن التعصب
