علي بابكر المشرف
الانجليز عندما شيدوا القيادة العامة وكل المنشأت العسكرية الاخري في العاصمة الخرطوم / بحري / امدرمان/ المنشآت دي كانت في ضواحي المدن بعيدا عن الأحياء والبيوت ،،،
القيادة العامة لم يكن حولها او قريبا منها شئ غير أحياء البراري القديمة وعلي مبعدة منها شرقا بعدة كيلومترات لا الرياض ولا المنشية ولاغيرهم،،،،
مثلا منطقة شمال امدرمان العسكرية (كرري) كان خور شمبات وحتي 1980 هو حدود امدرمان شمالا يليه خلاء وفضاء واسع،،،
السجن الحربي المطبعة ومدرسة التربية البدنية ومدرسة المشاة والقاعدة والكلية ديل كانوا في الخلاء،،،
العجيجة الحتانة وود البخيت قري صغيرة محازية للنيل،،،
سلاح المهندسين والسلاح الطبي ليس خلفهم وحولهم شي غير بيوت الفتيحاب القديمة ودي بعضها راجع للمهدية وحتي ماقبلها مجرد قري صغيرة وبرضو محازية النيل فقط،،،،
الفكرة اصلا مافي منشآت عسكرية بتكون وسط المناطق الماهولة بالمدنيين،،،
لذلك كان دمار الخرطوم امر حتمي لوجود المناطق العسكرية داخل المدن واي صراع مسلح سيلحق الضرر مباشرة بمظاهر الحياة المدنية ،،،
وحاليا ماممكن تقول عائز تخلي المدن من مظاهر التسليح ولسه المباني العسكرية داخلها،،،،
وسيبك من دا كلو ومن الحرب حتي المواكب السلمية كان عشان يامنوا القيادة وماحولها يقفلوا الشوارع ويعطلوا حركة المرور اليوم بأكمله،،،،
#️⃣ قبل ماتنهي مظاهر التسليح داخل العاصمة فكر اولا في نقل الوحدات العسكرية خارجها عدا الشرطة العادية فقط الا اذا كان الجلوس على كرسي السلطة يحتم تكون قاعد جوه البلد وفي نص المدنيين بسلاحك،،،
ربما الوقت مناسب وربما كانت الحرب دافع لإعادة تخطيط المدن علي أسس جديدة
