التوبة تبدأ من قاعة المحكمة ما من صالة الوصول.

عوض غفران
حسب صفحات رشان والحوري وهما مدلسان يمشيان بالزور والتصفيق للجور، فإن شيخ أو زعيم قبيلة ضالعة ووالغة في دماء الناس حتى لغلوغها. جاء بورتسودان مستغفرا ويقف منذ أيام في صف غفران السلطة السجمانة.
الاستغفار بعد تلاااثة سنين دم ما توبة.. دا برنامج إدارة أزمة سمعة في الزمن الضائع، وحفظ ماء وجه كان ممسح بالمرق.
والدم ما بتغسلو موية زمزم ولا دموع تماسيح في قصور بورتسودان المستأجرة وساكننها سمسارة الحروب.
تلاتة سنين
قُتل فيها الأبرياء بلا عدد وسمبلة ساي
نُهبت بيوت ومدن، واستقبل المسروقات في باديته ككسب مغتربين بالسنين لا نهابة وهمباتة ينتمون له.
تلاتة سنة سكتم بكتم لا ندم و لا كلمة ولا خطوة نحو الحق
وفجأة هليت وطليت في دلالة بورتسودان جاي تستغفر!
من شنو يا زعيم الهناء؟
من الدم ولا من فشل الرهان الختيتو فوق ضهر الأشاوذ يهدوت ليك دولة 56 ويغتصبوا ليك بنياتها ويجيبوا ليك دهبن وشقاء اولادهن وأزواجهن وأخوانهن.
بتستغفر من الأرواح ولا من تغير موازين القوة
الاستغفار الحقيقي داير ليه ترتيبات يامولانا:
كدي أولا تعترف إنه الحصل ده جريمة وإنك مشارك فيها
وتغسلك العدالة وليس العفو العام. ولو قالت هذا دم فاسد يجب سفحه وطمره، فهي من تقول.
غير كدا البتسوي فيهو ده اسمو استهبال و استخفاف بعقول الناس.
والناس البتغفر ليك يعطوك ما لا تستحق ما لايملكون.
التوبة تبدأ من قاعة المحكمة ما من صالة الوصول.
غير كدا؟ لو البلد دي فيها زولا قلبه حار يعلقك في مدخل المطار بين عودين وتنقد الرهيفة إن شاء الله ما تتلق.
#عواليق_التائبين_المستهبلين
#استهبال_العفو_العام