هل تعلم إن أغنية “قبال ميعادنا بي ساعتين” تم رفضها ومنع إذاعتها بسبب مطلع الأغنية الذي جاء فيه “ليه بس قلتي لي جاية.. م كان ممكن تقولي أبيت”
لجنة النصوص أعادت الأغنية لصاحبها بسبب كلمة “جاية”
يروي شاعر الأغنية تاج السر عباس: إنه في السبعينات عندما تم عرض النص على اللجنة المختصة بغرض إجازته للغناء وتسجيله، كان رد اللجنة “يقابلني” مشيت أقابل اللجنة
قابلت إبراهيم العبادي قال لي: انت بتاع المواعيد
احنا ما عندنا بت بتقول “جاية” مواعيد ولا بننشر كلام زي دا في الإذاعة..
يقول تاج السر: اتناقشنا نقاش طويل ومع ذلك لم يقبل بإذاعة مطلع القصيدة “ليه بس قلتي لي جاية”
وقال لي: مافي بت بتقول جاية يا إبني
في النهاية قلت ليهو: أصلاً ميعاد وما تمّ إنت بتحاسبني بيهو
وأخيراً قال لينا: إذا عايزنها تتغنى تبدأ الأغنية من “قبال ميعادنا بي ساعتين”..
كلمات الأغنية قبل التعديل:
ليه بس قلتي لي جاية
م كان ممكن تقولي أبيت
عساي أقدر أنا اتصبر
على الأفراح مشاعري تقيد
قبال ميعادنا بي ساعتين
أبيتو أنا وأباني البيت
أغالط نفسي في إصرار
أقول يمكن أنا الما جيت..
