الرئيس السيسي يوجه دعوة إلى الرئيس ترامب لحضور مراسم توقيع اتفاق وقف إطلاق النار بين اسرائيل و حماس

اشرف مصطفي الهندي
دعوة فيها دهاء وقدرة وضغط وذكاء شامل ذكاء اجتماعي على سياسي على استراتيجي كبير جداً ، واللعب على وتر نرجسية ترامب كما يشير المحلل السياسي محمد صلاح واحتياجه للفوز بجائزة نوبل ،
وهي تعني ضمنياً ان كل الأطراف فعلياً لديها قناعة بوضع حد لهذه الحرب العبثية ، وتعني ايضاً ان فرص التوصل لاتفاق اكبر من فرص عدم التوصل ،
نلاحظ كمان ان السيد الرئيس السيسي وضع اعادة إعمار القطاع مع عدم ضم الضفة (عدم تصفية القضية) + بقاء الشعب الفلسطيني على ارضه (مفيش تهجير) ،
وهذا معناه تصدير كرة لهب كبيرة للداخل الاسرائيلي واللي لو قفلت الحرب بدون تصفية او تهجير ، ولو تم الاتفاق على تبادل الرهائن وخلصت الأمور على كده ،
فانهم لن يرحموا حكومتهم
لان النهاية دي فشل استراتيجي كبير ، وكان متاح ده يحصل من سنة كاملة ، ليه رفضت وقتها وليه وافقت الآن !
وتبقى رصاصة الرحمة مرتبطة بخطة اعادة اعمار عربية امريكية مشتركة ، ودي هيبقى معناها صعب جداً عليهم ، هم مش بس تم استخدامهم لخدمة مصالح تانية ، لاء ، دول تقريباً كده وجبوا مع المنطقة في ٨٠ ولا ٩٠ مليار دولار على حسابهم !
العالم كله مصمم على وقف الحرب ،
وكله يرى المفاوضات ايجابية ، الطرف الوحيد اللي مش شايف كده هو النتن نفسه ، واللي وصل بيه الحال انه أعطى صلاحيات محدودة جداً للوفد بتاعه ، لان اتفاق بالشكل ده معناه نهايته هو
وليس نهاية الحرب !!