.
ما تسدل أجفانك وتنوم
هن أصلن أجفانك ناعسات
ساهرت عشانك كل ليلة
وخاصمني النوم مرات و مرات
الليل من غيرك موحش
وساعات اليوم دونك كتير مرات
ونجوم الليل تتحير لما تغيب
وتقول لي وين قمرك فات .
وفي اخر الليل برجا الفجر
شعاعات النور مع فجرك جايات
وأتنسم فوح عطر ورودك
وعبيرك شايلاه النسمات .
أديني نداك وطل صباحك
بلل ما قد جف ومات
رجع لي شباب أيامي وصباي
عوضني كل ما قد فات .
في عيونك زهو الدنيا وفرحة
وفيها مشاعر حب بالشوق منطرحة
وما بين نظرات الشوق الفيها… وتيها
بنرجع من سرحان ونتوه مع سرحات .
حسن خالد حسين .
20أكتوبر 2025 م .
