هشام ودقلبا يكتب : عناية المهاجرين والمغتربين واللاجئين البرة السودان ..

هشام ودقلبا يكتب : عناية المهاجرين والمغتربين واللاجئين البرة السودان ..
اليوم 16 مارس دخل تصنيف الكيزان منظمة إرهابية حيز التنفيذ .. ومن اليوم ما عادت الدنيا كما كانت ، من اليوم الجوة جوة والبرة برة ..
من اليوم لايفات وبوستات ولعلعة مافي ، قولة “بغم” لصالح الكيزان محسوبة عليك (إرهاب) ..
التجمعات الفيها أي شعارات كيزانية ، حتتصنف (إرهاب) ..
الخمخمة واللملمة الفيها كوزين تلاتة (إرهاب) ..
ما تقول لي نحن في بلدان العالم الأول والحرية والديمقراطية ، داااك الشارع أمرق أو أطلع لايف من مكانك ده أو أكتب ليك منشورين تلاتة لعلعة بشعارات ودعم للكيزان ، وإنت حتشوف براك مافي داعي أخرب ليك المفاجأة ..
وما تقول لي أنا مقيم وعندي إقامة دائمة وعندي الجنسية .. قصاد كلمة (إرهاب) ورقك ده كله حيبلوه ويشربوك مويته .. إنت عااااارف مكان قاعد ده يعني شنو (إرهاب).
#اي_كوز_ندوسو_دوس