رانيا العاقب شقيقة الجاني في جريمة الحلفايا تكشف التفاصيل الكاملة لملابسات الجريمة وتطلب الحماية بسبب تهديدات بالقتل لها وشقيقتها

انا رانيا العاقب شقيقة الجاني الكلام كتر واي زول بقي يقول كلام براهو عشان كدة لازم الحقائق تكون واضحة للناس:
القصة كلها كانت بسبب سلك بتاع كهرباء مارق من زاوية بيتنا موصل لي عماتي بهناك، والسلك دا عريان ضربني كهرباء وضرب اختي، أمي قامت فصلتو لمن فصلتو عمتي مشت فتحت فيها بلاغ وجو ناس الشرطة أعتقلوها دفعنا كفاله 150 ألف،
تاني قالو في جلسة محكمه كانت يوم الخميس، حكموا على إمي بالسجن ثلاثة شهور أو تدفع مليار ونص عشان يطلعوها فقامت اتسجنت محمد اخوي ما رضى لي آمي المرمطة وقعاد السجن،
والشاكية عمتي رافضة تتنازل وهي المشت للمحاكم وللسجون والحصل دا نتيجتو الكل شافا،
فمشي محمد قتل اعمامي ألاتنين وعماتي ألاتنين واحدة فيهم الشاكية، ومعاهم راجل عمتي، بعد قتلهم مشي سلم نفسو للمعسكر ،وناس المعسكر سلموا للقسم،
وحاليا انا واختي اتنين بنات مشردين ما عارفين نمشي وين،
بسبب انو مهددينا انو ماحيخلونا وحيقتلونا لو لقونا قدامهم وانا عندي ادلة بكل التهديدات المهدديننا ليها والقضية دي لو ما اتحسمت حتكون موت في موت.